TBC Capital-მა ავტომობილების ბაზრის კვლევა გამოაქვეყნა, საიდანაც ირკვევა, რომ საქართველოში ყველაზე მოთხოვნად ბრენდად ისევ Toyota რჩება, რომელიც ტოპ ათეულში ოთხი მოდელითაა წარმოდგენილი, მათ შორისაა: Camry, Prius, Prius C და Rav 4.
მიმდინარე წელის ყველაზე მოთხოვნადი ბრენდები ასე ნაწილდება:
1. Toyota
2. Ford
3. Mercedes
4. Opel
5. Hyundai
6. Chevrolet
7. Volkswagen
8. BMW
9. Subaru
10. Honda
ქვეყნის მასშტაბით სულ 1.6 მილიონი ავტომობილია რეგისტრირებული, მათი 82% კი მსუბუქი კატეგორიისაა, 6.9% სატვირთოებზე მოდის, 3.4% – ავტობუსებზე, დარჩენილი ნაწილი კი სპეც. ტექნიკასა და მოტოციკლებზე ნაწილდება.
ქალაქების მიხედვით ავტომობილების ყველაზე დიდი კონცენტრაცია, ბუნებრივია, თბილისშია, სადაც საერთო რაოდენობის 35%-ია წარმოდგენილი, ანუ 461,000 ერთეული.
მომხმარებლის პრეფერენციის მიმართულებით რამდენიმე თვალსაჩინო ტენდენცია ფიქსირდება, პირველ რიგში, SUV ტიპის (ე.წ. ჯიპი) ავტომობილებზე მოთხოვნა იზრდება, მომხმარებლის ინტერესი ჰეჩბექის ტიპის მანქანების მიმართ მკვეთრად ეცემა, რაც შესაბამისობაშია გლობალურ ტენდენციებთან.
წლის ყველაზე მოთხოვნადი მოდელები:
1. Toyta Camry
2. Ford Transit
3. Toyota Prius
4. Chevrolet Cruze
5. Hyundai Elantra
6. Toyota Prius C
7. VW Jetta
8. Toyota Rav 4
9. VW Passat
10. Opel Astra
ადგილობრივი ბაზრის 30%-ს Toyota აკონტროლებს, უცხოეთის ბაზარზე კი იაპონურ გიგანტს სრული დომინაცია აქვს, კერძოდ, რეექსპორტის 66% Toyota-ზე მოდის.
რეექსპორტის მხრივ ყველაზე მაღალი მოთხოვნა ახალ და 5-6 წლის ავტომობილებზეა, 20 წელზე ძველ ავტომობილებზე მოთხოვნა კი უცხოეთში თითქმის ნულის ტოლია.
წელს ტოპ საექსპორტო ბაზრად ისევ აზერბაიჯანი რჩება, რომელზეც საერთო მოცულობის 38% მოდის, 19%-იანი ბაზრის წილით მეორე ადგილზე უკრაინაა, რეექსპორტის 12% სომხეთზე მოდის, 32% კი – სხვა სახელმწიფოებზე.
წყარო – bm.ge
კომენტარები