“თვის დასაწყისში ბუკინგემის სასახლეში პრეზიდენტ ზელენსკის შევხვდი” – დიდი ბრიტანეთის მეფე

დიდი ბრიტანეთის მეფე ჩარლზ III-მ რუსეთ-უკრაინის ომის დაწყების წლისთავთან დაკავშირებით, განცხადებას აკეთებს:

უკვე ერთი წელია, რაც უკრაინელი ხალხი სრულმასშტაბიანი თავდასხმის შედეგებს განიცდის. მძიმე ტრაგედიის პირისპირ მათ მართლაც შესანიშნავი გამბედაობა და გამძლეობა აჩვენეს. მსოფლიო თვალ-ყურს ადევნებს უკრაინელების ტანჯვას. მე მქონდა ბედნიერება იმისა, რომ ბევრ მათგანს აქ, გაერთიანებულ სამეფოში და მსოფლიოს სხვადასხვა კუთხეში, რუმინეთიდან კანადამდე შევხვედროდი. თვის დასაწყისში ბუკინგემის სასახლეში პრეზიდენტ ზელენსკის შევხვდი, რათა უკრაინელი ხალხის მიმართ ჩემი მხარდაჭერა გამომეხატა. ამ მძიმე დროს დიდი ბრიტანეთი და მისი მოკავშირეები, რაც შეუძლიათ ყველაფერს აკეთებენ უკრაინის გასამხნევებლად. იმედს ვიტოვებ, რომ გადამდები სოლიდარობით არამარტო პრაქტიკული თვალსაზრისით შევძლებთ უკრაინის დახმარებას, არამედ, ერთიანობას დავანახებთ და ამითაც შევმატებთ ძალას.