საქართველოს შრომის, ჯანმრთელობისა და სოციალური დაცვის სამინისტროს საგანგებო სიტუაციების კოორდინაციისა და რეჟიმის დეპარტამენტის უფროსი – ავთანდილ თალაკვაძე, სოციალურ ქსელში წერს:
“დღეს ჩვენ ქვეყნის წარმატებულ პრევენციულ ღონისძიებებზე ვსაუბრობთ. მე კი, მინდა, მადლობა გადავუხადოთ იმ ადამიანებს, რომელთა უშუალო დამსახურებითაც ეს შესაძლებელი ხდება.
თვეზე მეტია, რაც სასწრაფო სამედიცინო დახმარების ექიმები ჩვენი სიცოცხლის სადარაჯოზე დგანან.
თვეზე მეტია, რაც თითოეული მათგანი, მესაზღვრე-მებაჟეებთან ერთად, ქვეყნის ყველა სასაზღვრო პუნქტს პირადად იცავს.
მათთან ერთად, თვალდაუხუჭავად პაციენტებზე ზრუნავენ ინფექციური საავადმყოფოს ექიმები, რომელთა ძალისხმევაც განუზომლად დიდია.
მინდა იცოდეთ – თქვენ ხართ ქვეყნის საიმედო მაგალითები. თქვენი პროფესიული თავდადებით იცავს სახელმწიფო მოქალაქეთა ჯანმრთელობას.
კომენტარები