“თურქეთს რადგან ერგო მიწა, რუსეთმა რა დააშავა, თურქეთის ჯინაზე გადავცეთო” – ნათია ფანჯიკიძე

ფსიქოლოგი, ნათია ფანჯიკიძე:

რუსული ტვინისრეცხვის ერთი უპრიმიტიულესი მესიჯი განსაკუთრებით ადგებათ იმ ქართველებს, ვისაც საკუთარი დამყაყებული ცხოვრების ჭაობიდან უფრო ცოცხალ წყალში გადასვლის არც მისწრაფება აქვთ და რადგან მისწრაფება არა აქვთ, არც უნარი გააჩნიათ: სადაც რუსეთის მიერ ოკუპირებულ ტერიტორიას ახსენებს ვინმე, გამოხტებიან და საუკუნეების წინ დაკარგულის დაბრუნებას “ითხოვენ”, ასევე, მოითხოვენ, ის ქვეყნები, რომლების საზღვრებშიც ახლა ის მიწებია, რუსეთის თანაბარ მტრად გამოცხადდნენ. მეუთხარი, ის, რაც დიდი ხნის წინ წართმეულად დაკანონდა (ხშირ შემთხვევაში რუსების მიერ გადაეცათ ამ ქვეყნებსაც საჩუქრად), საუკუნეების მერე რისი დამბრუნებელი ხარ მათხუარო შენა, აგერ რუსეთის წართმეულის არდაკანონებაში გეხმარება მსოფლიო და არ აღიარებს მიწებს მის საკუთრებად და იყოჩაღე, სანამ სახელად მაინც ჯერ კიდევ შენი ჰქვია, თუ ტვინი გაქვს, ან ცოტა შემართება. ხოდა, მე კი “უთხარი”, მაგრამ არაო, თურქეთს რადგან ერგო მიწა, რუსეთმა რა დააშავა, თურქეთის ჯინაზე გადავცეთო. მოკლედ, პატრიოტების მოთხოვნაა, თურქეთის ჯინაზე რუსეთს გადაეცეს აფხაზეთი და სამაჩაბლო. მათი ჭმუნვის ლოგიკის მიხედვით სხვა დასკვნის გაკეთება რთულია.