„თუკი პრეტენზია არსებობს, რომ სააკაშვილი დღემდე არის ციხეში და აქ ჩემი  ბრალეულობაა, მე ამ პრეტენზიას ვიღებ“ – ნიკა მელია

„ნაცმოძრაობის“ თავმჯდომარე, ნიკა მელია ეკა მიშველაძის „საჯარო პოლიტიკაში აცხადებს:

„… თუკი პრეტენზია არსებობს, რომ მიხეილ სააკაშვილი დღემდე არის ციხეში და აქ ჩემი  ბრალეულობაა, მე ამ პრეტენზიას ვიღებ… რატომ, იცით? იმიტომ, რომ დღეს ეს რეალობა კვლავ სახეზეა…“

ეკა მიშველაძე: „არა, ციხეში რომ არის, ეს თქვენი ბრალი ნამდვცილად არაა… უკმაყოფილება იყო იმაზე, მე რაც მოვისმინე, რომ ტქვენ არ იყავით აქტიური მის გათავისუფლების საქმეში…“

ნიკა მელია: „ძალიან კარგად იციან ადამიანებმა, რასთან გვაქვს საქმე, როდის და რატომ ვართ აქტიურები და როდის და რატომ არ ვართ იმდენად აქტიურები, რამდენადაც შესაძლებელია, რომ თუ თუნდაც თქვენ გეხილათ, რომ ვიყავთ აქტიურები.“

ეკა მიშველაძე: „კარგად იცის ეს ლევან ხაბეიშვილმაც? მოგისმენიათ ოდესმე გეგმა პარტიაში, რომ ახლა სააკაშვილის გათავისუფლების საქმეში ასე უნდა ვიმოქმედოთ… რამე გეგმაზე პარტიაში გისაუბრიათ?“

ნიკა მელია: „…დეატლებზე მომავალში გულახდილად ვილაპარაკებ… როცა საარჩევნო კამპანია გაიხსნება…  მაგრამ ამ კითხვაზე მაინც გაგცემთ მარტივ პასუხს – არა! მე არ მახსოვს არც ერთი, არც ერთი, სრული პასუხისმგებლობით გეუბნებით, არც მე და არც ნაციონალური მოძრაობის ასობით წევრს არ გვახსოვს არც ერთი შემოთავაზებული ალტერნატიული გეგმა, რომელიც დაიბლოკა ნაციონალურ მოძრაობაში! მეტიც, იქნებ პირიქით იყო, უფრო რადიკალური გეგმის მომხრენი იქნებ სულ სხვა მხარეს დგანან, ვიდრე ახლა სადაც თითქოს პრეტენზიაა დანახული.“