“თუკი გერმანიაში პლასტმასის ბოთლს ჩააბარებ, გიხდიან 25 ევროცენტს, ამდენს უხდიან ოჯახის ექიმს 3 პაციენტის მეურვეობაზე საქართველოში” – იაგო ფრანგიშვილი

გერმანიაში მცხოვრები ქართველი ექიმი, იაგო ფრანგიშვილი:

“თუკი გერმანიაში პლასტმასის ბოთლს იპოვი და სუპერმარკეტში ჩააბარებ, გიხდიან 25 ევროცენტს.

ეს დაახლოებით იმდენია, რამდენსაც ოჯახის ექიმს უხდიან საქართველოში 3 პაციენტის მეთვალყუროებასა და მეურვეობაზე.

ერთ თვეში და არა ერთ მისვლაზე.

ასეთი სისტემა აცრის იმ დარეგისტრირებულებს?

ასეთი სისტემა მისცემს ინფორმაციას აცრაზე პაციენტს?

ასეთი უბნის ექიმი,

პაციენტზე 7 ცენტიანი უბნის ან სოფლის ექიმი გაუმკლავდება იმ გამოწვევას, რასაც ჰქვია კითხვებზე პასუხის გაცემა, ადამიანების მოტივაცია?

მთელი ეს ,,ხალხი ბნელია,, ან ,,ანტივაქსერია,, და ,,არ იცრის,, პროპაგანდა ემსახურება მხოლოდ იმ მიზანს, რომ

ხელისუფლებამ პასუხისმგებლობა გადააბაროს ხალხს.

ადამიანებმა ისაუბრონ არა ხელისუფლების 18 თვიან დანაშაულებრივ უმოქმედობაზე, არამედ ისაუბრონ ,,ხალხის სიბნელეზე,,

სამწუხაროა, რომ ეს ასე აშკარა ანკესი გადაყლაპა ექიმებმა, მედისივრცემ, ოპოზიციამაც და თითქმის ყველამ.

ნუ ეთამაშებით ბიძინას საკუთარ თამაშს.

გამოფხიზლდით და მიმოიხედეთ თუ რა ხდება თქვენს ირგვლივ.

აიცერით და ამხილეთ სისტემა.

აცრა დაგიცავს ამ სახელმწიფოს მიერ უმოქმედობით მკვლელი სისტემისაგან.

აცრა დაგიცავს იმ მაფიოზური და მილიარდობით ფულის მქაფავი სისტემისაგან, რომელსაც ჯანმრთელობის დაცვას ნამდვილად ვერ უწოდებ.”