“თუ ვის მხარეს შეიძლება იყოს თურქეთი აშშ-ირანის პოტენციურ კონფლიქტში” – ბატიაშვილი

ანალიტიკოსი, ზურაბ ბატიაშვილი:

ვისაც გაინტერესებთ ირანის გარშემო განვითარებული მოვლენები (კერძოდ, თურქეთის განზომილება):

✅  თურქეთის უსაფრთხოების სამსახურმა (MİT) გამოავლინა ირანის სადაზვერო ქსელი თურქეთში, რომლებიც აგროვებდნენ სენსიტიურ სამხედრო სახის ინფორმაციებს და ამზადებდნენ თავდასხმის გეგმებს (მათ შორის ინჯირლიქის სამხედრო ბაზაზე, სადაც განლაგებული არიან ამერიკელი სამხედროები);

✅ თურქულმა მხარემ 5 პროვიციაში ერთდროულად ჩატარებული ოპერაციისას დააკავა ექვსი პირი. მათგან ნაწილი ირანის, ნაწილი კი თურქეთის მოქალაქეა. თურქულ მედიაში გავრცელებული ინფორმაციით, სწორედ ირანის მოქალაქეები ედგნენ სათავეში ამ ქსელს და კოორდინაციას უწევდნენ სადაზვერვო სამუშაოებს;

✅ საინტერესოა, რომ დაკავებულ თურქ მოქალაქეებს შორის ორი სამხედრო-სამრეწველო სფეროში მომუშავე კომპანიის მფლობელია. არსებობს საფუძვლიანი ეჭვი, რომ, რომ სხვა საქმეებთან ერთად ეს ქსელი შემოვლითი გზებით გეგმავდა უპილოტო საფრენი აპარატების (რის წარმოებაშიც თურქეთს დიდი გამოცდილება აქვს) ირანისთვის მიწოდებას და რომელსაც სავარაუდოდ გამოიყენებდნენ აშშ-ს წინააღმდეგ;

✅ ეს შემთხვევა კიდევ ერთხელ გვიჩვენებს, თუ ვის მხარეს შეიძლება იყოს თურქეთი აშშ-ირანის პოტენციურ კონფლიქტში.

ფოტოზე: ოპერაციის შედეგად  დაკავებული პირები.