სესხებზე 3-თვიანი საშეღავათო პერიოდით 600 000 ადამიანზე მეტმა უკვე ისარგებლა. თუმცა, ბანკების ასოციაციის ინფორმაციით, ეს ციფრი გაცილებით დიდია.
როგორც „ბიზნესპრესნიუსთან“ საუბრისას ბანკების ასოციაციის პრეზიდენტი ალექსანდრე ძნელაძე აცხადებს, ეროვნული ბანკის მითითებით, კონკრეტულად ეს ფაქტი შეფასებულია როგორც რეფინანსირება.
„3-თვიანი საშეღავათო პერიოდით სარგებლობა საკრედიტო ისტორიაზე ცალსახად არ იმოქმედებს. აღნიშნულთან დაკავშირებით, ეროვნული ბანკის მხრიდანაც არის შესაბამისი მითითება. კერძოდ, კონკრეტულად ეს ფაქტი აღქმულია, როგორც რეფინანსირება და მსესხებლების საკრედიტო ისტორიაზე ნეგატიურად არ აისახება“,- აცხადებს ალექსანდრე ძნელაძე.
ცნობისთვის, კორონავირუსთან დაკავშირებული კრიზისის გამო, ბანკებმა თავიანთ მსესხებლებს 3-თვიანი საშეღავთო პერიოდი ჯერ კიდევ მარტში შესთავაზეს.
კომენტარები