“თუ ოკუპანტი დღეს გახსნილი ჰუმანიტარული დერეფნების შეჩერებას შეეცდება, მკაცრ პასუხს მიიღებს”- ზელენსკი

უკრაინის პრეზიდენტ ვოლოდიმირ ზელენსკის ახალი მიმართვა გავრცელდა, სადაც ის ოკუპანტი რუსეთის მიერ პუმანიტარული დერეფნების დაბომბვაზე საუბრობს,ზელენსკი ამ მიმართვაში ევროკავშირში მიღებულ გადაწყვეტილებასაც გამოეხმაურა :

“უკვე 16 დღეა მტერს ვებრძვით და ეს 4-ჯერ უფრო მეტია, ვიდრე მათ ეგონათ. ვებრძვით მსოფლიოში ერთ-ერთ უძლიერეს არმიას, რომელიც ფიქრობდა რომ უკრაინა დანებდებოდა. ეგონათ რომ უკრაინულ ქუჩებში ადამიანები ყვავილებით დახვდებოდნენ. ყველაფერი პირიქით მოხდა. უკრაინელები ამაყი ხალხია, რომლებიც ოკუპანტს საკუთარი მიწის ერთ სანტიმეტრსაც კი არ დაუთმობენ და  ყოველთვის დაიცავენ.

როდესაც ვხედავთ თუ როგორ ებრძვის ჩვენი არმია მტერს და როგორ ანადგურებს მტრის ჯარს, იმედი მიჩნდება რომ ყველაფერი მალე დასრულდება. მარგამ არ უნდა დაგვავიწყდეს რომ ეს ომია. უნდა მოვითმინოთ და ვიბრძოლოთ. ჯერ ვერ ვიტყვით რა დრო დაგვჭირდება ჩვენი მიწიდან მტრის განსადევნად, თუმცა ამას აუცილებლად ვიზამთ. ომში სტრატეგიული გარდატეხა უკვე შევიტანეთ და ვუახლოვდებით ჩვენს გამარჯვებას, თუმცა როგორც გეუბნებით ამას დრო დასჭირდება. ომი პრინციპულ და ჯიუტ მეტოქესთან გვაქვს. ქვეყანა რომელიც ჩვენთან საბრძოლველად რეზერვისტებსაც კი აგზავნის.

ამასთან, სირიელი დაქირავებულ მკვლელები გამოგვიგზავნეს. არ დაგვავიწყდეს რომ სირიაც ისე გაანადგურეს, როგორც ახლა ჩვენი ქვეყნის განადგურებას ცდილობენ. გამოაგზავნეს სირიელები, რომლებიც ვერც კი არჩევენ ვინ რომელ ენაზე საუბრობს, ან ვინ რომელ ეკლესიაში დადის. ისინი აქ ფულის სანაცვლოდ ჩამოვიდნენ.

რამდენიმე რეგიონი წყლის, გათბობისა და ელექტროენერგიის გარეშეა დარჩენილი. სრული ამ სიტყვის მნიშვნელობით ეს არის ჰუმანიტარული კატასტროფა, რომელიც რუსეთის ფედერაციამ გამოიწვია.

დნეპრში საცხოვრებელი სახლები და საბავშვო ბაღები დაბომბეს. ნეტავ რა საფრთხეს უქმნიდა რუსეთს ეს დაწესებულებები?! სუმის ოლქში, მარიუპოლში და ხარკოვში დასახლებული პუნქტები დაბომბეს.

თუ ოკუპანტი დღეს გახსნილი ჰუმანიტარული დერეფნების შეჩერებას შეეცდება და ცეცხლს გახსნის, მკაცრ პასუხს მიიღებს. იმ დონეზე მივიყვანთ რომ ჰუმანიტარული დერეფნის გახსნა თავად დასჭირდებათ.  ისეთ მეზობელთან როგორც რუსეთია ცხოვრება მარტივი არ არის, თუმცა როგორც ყველამ დაინახა, არც ჩვენთან! დიდება უკრაინას.” ამბობს ზელენსკი.