ექსპერტი დავით ქართველიშვილი წერს;
“მერამდენედ გვიწევს იმის დადასტურება, რომ ადგილობრივი ნაც/მავნებლები და მათი საერთაშორისო კურატორები არახამიას ჩათვლით, ამ ეტაპზე უშედეგოდ ცდილობენ ჩაითრიონ საქართველო რუსეთთან პირდაპირ სამხედრო კონფლიქტში, “მეორე ფრონტის” გახსნის მიზნით. ამ განზრახვაში ჩართული აქვთ საქართველოსა და მისი მოქმედი ხელისუფლების “შელახულ თავმოყვარეობაზე” თამაშის ელემენტებიც – როგორც ამას გუშინ ჰქონდა ადგილი იმ “ინფორმაციაზე” დაყრდნობით, რომელიც რუსეთის უშიშროების საბჭოს ხელმძღვანელის მოადგილის დიმიტრი მედვედევის სოციალურ ქსელ VK-ს გვერდზე გავრცელდა, და რომელიც მოგვიანებით მედვედევის კედელზე ჰაკერული თავდასხმის მეშვეობით გაჩენილ ფეიკად იქნა აღიარებული.
ფაქტი კი ჯიუტია. თუ მედვედევის ვერსია ფეიკის თაობაზე სიმართლეს წარმოადგებს, უნდა ვეძებოთ ამ არასანქცირებული შეღწევის სავარაუდო დამკვეთები. ამ მომენტამდე მე მათ რიგებში მხოლოდ არახამია და “მთავარი არხი” ამოვიკითხე, რომელთა საქართველოს ხელისუფლების “ნამუსზე აგდების” თუ “საპასუხო მოქმედებებისკენ ბიძგის” მცდელობა შეუიარაღებელი თვალით ჩანდა.
სამგლოვიარო ღონისძიებაზე მისული თავდაცვის მინისტრის, ამ სავარაუდოდ, დაინტერესებული მხარის მიერ შეკვეთილ ფეიკთან დაკავშირებული რეპლიკა (რომელსაც კომენტარსაც ვერ ვუწოდებთ), გულისხმობდა, რომ მედვედევი, რომელიც იყო ქვეყნის პირველი პირი, შემდეგ პრემიერი,
დღეს აღარ იკავებს აღნიშნულ თანამდებობას და შესაბამისად, მის მიერ სოციალურ მედიაში დადებული თუ შემდეგ წაშლილი სტატუსის გამო მოსახლეობაში შიშისა თუ პანიკის დანერგვა არ იქნებოდა მოვლენის ადეკვატური შეფასება.
მოვლენათა განვითარების, “მთავარი არხისა” და არახამიასეული ვერსია, არც კი ითვალისწინებდა ერთ-ერთ ვარიანტად ამ ინფორმაციის ფეიკად აღქმის განხილვას, რამეთუ ეს მათ “აღქმების თეორიას” დაამსხვრევდა და მოსახლეობაზე განკუთვნილ მიზანმიმართული კოშმარის ეფექტს ვერ გამოიწვევდა. ცალკე თემაა – ოპოზიციური არხებისა და მათი პოლიტიკოსი-ბოსების ტრადიციული მიდგომა, გლოვის ფაქტისა თუ გლოვის ადგილის, საკუთარი მავნებლური მიზნებისთვის გამოყენების თვალსაზრისით. ასე რომ, თავდაცვის მინისტრის პასუხი ამ არაადექვატური “ჟურნალისტებისთვის”, ყველაზე რელევანტური იყო მათი კითხვების დასმის დროისა და ადგილის გათვალისწინებით.”
კომენტარები