“პარტია” მოქალაქეების ლიდერი ლევან იოსელიანი:
“ამ არჩევნებმა გვაჩვენა, რომ რეფორმამ, რომლის გულისთვისაც შემოვედით პარლამენტში, გამოიღო შედეგი. დღეს რომ არ არის ცესკოს თავმჯდომარის გადადგომის მოთხოვნა, სიმშვიდე რომ არ არის, გაყალბებაზე რომ არ არის საუბარი – ამ რეფორმის დამსახურებაა. უპრეცედენტოდ ცოტა ოქმია დაუბალანსელები. არჩევნების დღეს იყო კარგად დაორგანიზებული, კარგად ჩატარებული. საარჩევნო პროცესი საქართველოს მასშტაბით მიმდინარეობდი მშვიდად. რაღაც დარღვევები არის, მაგრამ ამ დარღვევებს მასშტაბური ხასიათი არ ჰქონია. 100 მეტრიანი რადიუსის დარღვევა არ იყო მასშტაბური. ერთეული შემთხვევები იყო.
ცესკოს დამცველი კი არა ვარ, ობიექტურობის დამცველი ვარ. წინ გადავდგით ნაბიჯი, მაგრამ წინასაარჩევნო პერიოდს რა ვუყოთ, სადაც დაშინებაცაა, მოსყიდვაც, ყველაფერი საძაგლობა ხდება. ამაზე ვისაუბროთ, თორემ, ახლა ვერავინ ვერავის ვეღარ დააჯერებს, რომ 2 ოქტომბერს არჩევნები გაყალბდა. გადავთვალეთ 10 პროცენტი და 0,01 ცდომილებაც არ არის. ეჭვი მეპარებოდა ერთ უბანზე, სადაც პარტიულ ნაწილში გვქონდა 0 ხმა და მაჟორიტარულ აწილში – 18 ხმა – ეს არის 42-ე უბანი და ეს უბანი ამოვიდა შემთხვევით ლოტოტრონში, ჩვენი თანდასწრებით გადაითვალა და ერთი ერთში დაჯდა.
თუ იყო გაყალბების მასშტაბური ხასიათი, რატომ არ გამოდის ოპოზიცია და რატომ არ არის მიტინგები? – არ იყო და იმიტომ.
იმ ნაბიჯმა, რომელიც ჩვენ გადავდგით, ეს ქვეყანა წაიყვანა წინ.”
