“თუ გინდათ, ოღონდ “პრადვინუტის”‘ პოზა შეინარჩუნოთ და თუნდაც სამუდამოდ ბიძინა მართავდეს ამ ქვეყანას, თქვით პირდაპირ” – მერაბ მეტრეველი

ჟურნალისტი, მერაბ მეტრეველი:

ოპოზიცია დღეს უამრავი რამის გამოა საკრიტიკებელი და არც მე ვაკლებ, მაგრამ ზოგიერთი პარტიის იმის გამო კრიტიკა, რომ თქვეს: ერთსქესიანთა ქორწინებას არ ვეთანმხებითო, არის ივანიშვილის წისქვილზე წყლის დასხმა.

ვინც ამას აკეთებთ, საერთოდ აზრზე არ ხართ, რა არის პოლიტიკა, რას ნიშნავს პოლიტიკოსი და რითი განსხვავდება ერთმანეთისგან პოლიტიკოსი და აქტივისტი, პოლიტიკოსი და ენჯეოშნიკი, პოლიტიკოსი და ჟურნალისტი და ა.შ.

დემოკრატია (როგორც ტარანი) თვლითაა. დემოკრატიაში ყველა ადამიანის ხმას ერთი წონა აქვს, მიუხედავად იმისა, ეს ადამიანი ჭვკიანია, თუ სულელი, “პრადვინუტია”, თუ ბნელი, ლიბერალია, თუ კონსერვატორი და ა. შ.

დემოკრატიაში მოგება თუ გინდა მოსახლოების უმრავლესობა უნდა მიიმხრო. ჰოდა, ახლა თავად იფიქრეთ, ჩვენს ქვეყანაში მოსახლეობის უმრავლესობა როგორი შეხედულებისაა.

კი, პოლიტიკოსმა საკუთარ პრინციპებს არ უნდა უღალატოს, არ უნდა იფარისევლოს და ა.შ , მაგრამ მან ასევე უნდა იპოვოს ბალანსი პრინციპებსა და კომპრომისებს შორის. ეს თუ არ შეუძლია, ის დარჩება აქტივისტად და ვერ გასცდება მისი რეიტინგი 2-3 პროცენტს, როგორც ეს ხდება უმეტესობა პარტიების შემთხვევში.

თუ თქვენ ის გინდათ, ოღონდ “პრადვინუტის”‘ პოზა შეინარჩუნოთ და თუნდაც სამუდამოდ ბიძინა მართავდეს ამ ქვეყანას, თქვით პირდაპირ.