ალტ-ინფოს ერთ-ერთმა დამფუძნებელმა ზურა მახარაძემ და გურამ ფალავანდიშვილის შვილმა, ალექსანდრე ფალანდიშვილმა პოლიციის სამმართველო დატოვეს. გურამ ფალავანდიშვილი და კიდევ რამდენიმე პირი, კვლავ გამოკითხვაზე იმყოფებიან.
ზურა მახარაძე:
“თუ დამაკავებენ დამაკავონ, ყველა კითხვაზე ვუპასუხე გამოძიებას, თუ მათზე ზეწოლა იმხელა იქნება, რომ დამაკავონ, დამაკავებენ. იქნება გარე, ელჩების ზეწოლა”
მახარაძემ არ უპასუხა მედიის შეკითხვას, რა ნივთები ამოიღეს დღეს მისი სახლიდან.
ცნობისთვის, 16 ივლისს დილიდან სამართალდამცავებმა რამდენიმე სახლი გაჩხრიკეს. გამოკითხვაზე გადაიყვანეს მამა-შვილი ფალავანდიშვილები და “ალტ-ინფოს” ერთ-ერთი დამფუძნებელი, ასევე ვრცელდება ინფორმაცია, რომ დაკითხვაზე წაიყვანეს ლევან ჩაჩუაც. “თუ დამაკავებენ დამაკავონ” – მახარაძემ და ალექსანდრე ფალავანდიშვილმა სამმართველო დატოვეს
კომენტარები