ექსპერტი დავით ქართველიშვილი, კელი დეგნანის ივანიშვილისადმი პასუხს განიხილავს და წერს:
“დავუბრუნდეთ ქალბატონ კელი დეგნანის ვრცელ ინტერვიუს, მიცემულს ჟურნალისტისთვის, რომლის პროფესიონალიზმსა და მიუკერძოებლობაში, დასმული შეკითხვებიდან გამომდინარე – მე დიდი ეჭვი შემაქვს:
– საქართველოს მოსახლეობა გადაღლილია პოლარიზებით
– ხელისუფლება ოპონენტებზე თავდასხმის მაგივრად, დაკავებული უნდა იყოს უმუშევრობის მაღალი მაჩვენებლის შემცირებით, გაზრდილი ფასებითა და განათლების პრობლემებით
– პოლარიზებულმა მხარეებმა, სამოქალაქო საზოგადოების რეკომენდაციების ჩართულობით, დისკუსიებისა და კომპრომისების გზით უნდა მიაღწიონ ერთობას
– ხელისუფლებამ უნდა უზრუნველყოს კორუფციის წინააღმდეგ ბრძოლის გამჭვირვალე მექანიზმების ჩამოყალიბება
– ხელისუფლებამ უნდა უზრუნველყოს სასამართლო რეფორმის გზით დამოუკიდებელი სასამართლო სისტემის უზრუნველყოფა, რომელიც აღასრულებს კანონს პოლიტიკური ჩარევის გარეშე
– 21 მარტის შეხვედრა, როგორც
ყოველთვის ეხებოდა აშშ-საქართველოს სტრატეგიული პარტნიორობას და აშშ-ის ძალისხმევას საქართველოს ეკონომიკის, უსაფრთხოებისა და დემოკრატიის განვითარების მხარდასაჭერად
– 21 მარტის შეხვედრაზე არ ყოფილა საუბარი საქართველოს ჩართვაზე უკრაინის წინააღმდეგ რუსეთის ომში, ან „შანტაჟზე“ ან მოქმედებებზე, რაც უკავშირდება ბ-ნ ივანიშვილისთვის ფულის გადარიცხვის შეფერხებას
– აშშ არ იყენებს თავის პროგრამებს ადამიანების სანქცირებისა თუ დასჯისთვის და არც მოსამართლე ჩხიკვაძისთვის დაუკისრებია სანქცია
– აშშ-ს საელჩო არ ერევა საქართველოში სასამართლო გადაწყვეტილებებში და არ აქვს ფარული შეხვედრები და ასე იყო ამ კონკრეტულ შემთხვევაშიც
– აშშ-ს საელჩო მუშაობს, რომ უკრაინაში ომი დასრულდეს რაც შეიძლება სწრაფად და ყველაფერს აკეთებს იმისათვის, რომ ეს ტრაგიკული კონფლიქტი არ გავრცელდეს საქართველოზე და რომელიმე სხვა ქვეყანაზე
– აშშ-ს პარტნიორობა თავისი არსით არის პარტნიორობა საქართველოს მოქალაქეებთან და ის ყოველთვის იყო ორმხრივი პარტნიორობა ხალხთან
– რა უთანხმოებაც არ უნდა არსებობდეს უკრაინელ და ქართველ პოლიტიკოსებს შორის, ის უნდა მოგვარდეს მედიის გარეთ, თანაგრძნობისა და იმ კრიზისის გააზრებით, რაც დღეს უკრაინაშია
– აშშ-ს ქართველი პარტნიორები ამერიკელებთან ერთად მუშაობენ იმისათვის, რომ საქართველო არ იყოს გამოყენებული სანქციების გვერდის ავლისთვის
ეს არის მოკლე ამონარიდი ვრცელი ინტერვიუდან, რომელმაც გარკვეულ შეკითხვებს თითქოს გასცა პასუხი, მაგრამ ამავდროულად დაბადა ახალი:
– რამ განაპირობა ამ ფართო პოლიტიკური სპექტრის მქონე “პალიტრის” სასწრაფო განხილვა ადამიანთან, რომელმაც ღიად განაცხადა: “მე პოლიტიკიდან წავედი” – და ამის შესახებ მშვენივრად იყო ინფორმირებული ქალბატონი ელჩი
– რამ განაპირობა ამ “უწყინარი” შეხვედრის ფაქტის შესახებ ორაზროვანი თავდაპირველი რეაგირება თუ დუმილი
– რატომ არის ქალბატონი ელჩის ზოგიერთი გაუგებარი პასუხი, აცდენილი იმ საერთაშორისო უმაღლეს საინდიკაციო შეფასებებს, რომლებიც ეხება იგივე კორუფციას ან მართლმსაჯულების სისტემას
– რატომ უნდა დავიჯეროთ, რომ მოსამართლე ლაშა ჩხიკვაძე – ცრუობს და ცილს სწამს აშშ-ს საელჩოს
? თუ ამ კონკრეტულ შემთხვევაში ცრუობს ქალბატონი ელჩი, რატომ უნდა დავიჯეროთ მისი დანარჩენი სიმართლე…”
კომენტარები