,,პატრიოტთა ალიანსის” ერთ-ერთი ლიდერი, ირმა ინაშვილი ირაკლი კირცხალიას ,,ქარდს” აზიარებს და წერს:
,,აი, ეს ბიჭი ვინაა? რა გაუკეთებია ქვეყნისთვის? რა წვლილი შეუტანია საქართველოს კეთილდღეობაში, რომ განურჩევლად ყველას, ვისაც განსხვავებული პოზიცია აქვს, მართულად და აგენტად აცხადებს?! ასე როგორ დაეცით, რომ საერთოდ დაკარგეთ ურთიერთდაფასებისა და პატივისცემის გრძნობა?! რაღაცა “ეპიკ დეველოპმენტის” იქით ცხვირი არ გაუყვია და პირდაპირ პარლამენტში აღმოჩნდა, არანაირი დამსახურება ან გამოცდილება არ გააჩნია, ახლა კობახიძის მონობით და სრული მორჩილებით იწყობს კარიერას.
მე არ მაინტერესებს არც ხაზარაძე და არც სხვა არავინ! როგორც მოქალაქე, ვეწინააღმდეგები საქართველოში ძალიან საეჭვო, ბუნდოვანი, სახიფათო, ჩვენი ქვეყნისთვის დამაზიანებელი არაბული ცენტრების მშენებლობას, რა ხდება, ბატონო კირცხალია, უფლებას მართმევთ, რომ ჩემი აზრი მქონდეს? თქვენ კი არა, თავის დროზე სააკაშვილ- ადეიშვილის ბოროტმა რეჟიმმა ვერ გაგვაჩერა და თქვენ რა გგონიათ, რაღაცა სიცრუეს დაგვაბრალებთ და გაგვაჩუმებთ?!
ან სუვერენიტეტის დაზიანება და ქვეყნის ეკონომიკის შერყევა რა შუაშია? წარმოდგენა გაქვთ საერთოდ სუვერენიტეტი რა არის? მე მგონია, რომ კობახიძის მმართველობამ და თქვენნაირმა “ნორჩმა ლენინელებმა” დააზიანეს ჩვენი ქვეყანა. პირადად ბიძინა ივანიშვილიც დააზიანეს!
მე რომ მართული არა ვარ და არავისთან შეხება არა მაქვს, თქვენმა სუსმა გადასარევად იცის, რომელიც გულდასმით მისმენს, მიწერს და მითვალთვალებს.
სანამ ირმა ინაშვილს ხაზარაძეს ან ნაცებს მიაბამთ, თქვენს სოროსულ ბიოგრაფიებს კარგად გადახედეთ”
კომენტარები