“თქვე ვირებო თქვენა, რატომ გინდათ რომ ხალხის სიკეთე გააჩეროთ” – კახა წიქარიშვილი

კუნთოვანი დისტროფიით დაავადებული ბავშვის მშობელი, სამართალმცოდნე, პროფესორი, კახა წიქარიშვილი, სოციალურ ქსელში, ქართული ოცნების პროპაგანდას პასუხობს და წერს:

სიძულვილის ენით მინდა რომ დავწერო ეს პოსტი და წინასწარ მომიტევეთ:

თქვე ვირებო თქვენა, რატომ გინდათ რომ ხალხის სიკეთე გააჩეროთ.

ჯერ ერთი ჩვენი ხარჯები ჩვენც არ გვაქვს ბოლომდე დათვლილი და თქვენ საიდან დაგვითვალეთ. ბევრ რამეს – ამწეებიდან და სასუნთქი აპარატებიდან დაწყებული სპეცმანქანით დამთავრებული სახელმწიფო არ აფინანსებს და ჩვენი საყიდელია.

მერე მეორეც, თუ იმდენი ფული შეგროვდა რომ ბავშვის წამალიც ვიყიდო რას მიზამთ. დაგინებული მაქვს შემოსულ ფულს წამალში არ დავხარჯავთ თქო თუ რა?

საზღვარგარეთის ბევრ ქვეყანაში წამლის შესყიდვას ფონდები და სახელმწიფო ბიუჯეტი ინაწილებენ. ჩვენი სახელმწოფო რას იზამს და როდის იზამს მაგის ლოდინში თუ გაგვძვრა სული ვინ გვიკრძალავს ჩვენ მოქმედებას.

ცნობისთვის, ქართული ოცნების მომხრეები, განსაკუთრებულად გააქტიურდნენ მას შემდეგ, რაც “დაიცავი ილიაუნის გუნდმა” მარათონი დაიწყო და მილიონნახევარი ლარი აგროვდა ბავშვებისთვის. ჯერ წერდნენ, რომ წამლისთვის გროვდებოდა ფული, თუმცა, მარათონის ფარგლებში, ზუსტად იყო გაწერილი ყოველ განცხადებაში, რისთვის გროვდება ფული – “სასუნთქი აპარატები, ადაპტირებულ საწოლები და ეტლები, მედიკამენტები, აუცილებელი ოპერაციები და მასაჟები და ყველაზე მთავარს – შანსი, რომ დიუშენის კუნთოვანი დისტროფიის მქონე ბავშვებმა ყოველდღიური ბრძოლა გააგრძელონ”, ამის შემდეგ უკვე წერენ, რომ თურმე, სახელმწიფო ამ ყველაფერს ისედაც ანაზღაურებდა და ანაზღაურებს.