ასტროლოგი, რამაზ გიგაური ფეისბუქზე წერს:
“კი, ხბოების უფლებებიც უნდა დავიცვათ, გოჭებისაც, ციცრებისაც, შაშვებისაც, ბებიების დღეც უნდა დავაწესოთ, ბერდედებისაც, პერპაპებისაც, მაგრამ თქვე ჩლუნგებო, ყველაფერს ხომ თავისი დრო აქვს?!
მეჰმედ II ფათიჰი რომ კონსტანტინეპოლს უტევდა, კონსტანტინეპოლში იმაზე კამათობდნენ ნემსის წვერზე რამდენი ანგელოზი დაეტეოდა.
როგორ დასრულდა ეს ამბავი იცით კარგად.
არც ისე შტერები ხართ. უბრალოდ, თავს იშტერებთ.
ასე გითხრეს და ამიტომ. დაგიმესიჯეს.
ვითომ ამ ქვეყანაზე არ ხართ, ვითომ ვერ ხედავთ რა ხდება მსოფლიოში და უფრო მეტიც, ჩვენს სიახლოვეს.
რა გეოპოლიტიკური ცვლილებებია დაწყებული.
ვითომ ხბოები და ბებიები გიყვართ.
ვითომ პეპლებს დასდევთ პეპლების საჭერით, იჭერთ, მერე ნაზად ჰკოცნით და უკან უშვებთ.
ყველა ვარიანტში მოგიწევთ აქ ჩაბმა.
უკვე ჩაბმულები ხართ (ვართ) ამ ჯაჭვში.
სწორ მხარეს დადექით. სიმართლის მხარეს დადექით.
არა თუ ძალაუფლება, სიცოცხლეც კი დროებითია.
როგორც 1918 წლის 26 მაისს ვლასა მგელაძე ავარდა მთაწმინდაზე და ილიას საფლავში ჩასძახა: “გაიხარე, საქართველო დამოუკიდებლი გახდა”! სწორედ ასე გაქვთ შანსი, იმ ქართველ გმირებს, ვინც რუსეთთან ღია თუ ფარულ ომს 221 წლის მანძილზე შეეწირა, საფლავში ჩასძახოთ: „გიხაროდეთ, თქვენი საქმე აღსრულდა, საქართველო საბოლოოდ გათავისუფლდა რუსეთისგან – ამ ბოროტი იმპერიისგან.”
კომენტარები