დიდთოვლობა, უამინდობა და დაბალი ტემპერატურა – ასეთია ბოლო 24 საათის ამინდი რის გამოც საქართველოს მასშტაბით საავტომობილო გზებზე გადაადგილებაზე შეზღუდვები მოქმედებს.
მოქალაქეები მთელი ღამის განმავლობაში, ყინვაში კილომეტრიან საცობებში იძულებით, იმის გამო იდგნენ, რომ ხელისუფლებამ გზებზე ტექნიკური მარილი არ დაყარა.
გაწმენდითი სამუშაოები ამ წუთამდე არ მიმდინარეობს ყაზბეგის მიმართულებით, სადაც ზვავსაშიშროებაა. საავტომობილო გზების დეპარტამენტის ცნობით, მლეთა-გუდაურის მონაკვეთზე კი ავტოტრანსპორტის მოძრაობა ხორციელდება გაუჩერებლად გავლის რეჟიმში.
- ინტენსიური თოვისა და დაბალი ტემპერატურის გამო, რიკოთის უღელტეხილის გარკვეულ მონაკვეთებზე მისაბმელიანი და ნახევრადმისაბმელიანი ავტოტრანსპორტის მოძრაობა ისევ აკრძალულია. ზოგიერთ მონაკვეთზე ავტოტრანსპორტის მოძრაობა დასაშვებია მხოლოდ მოცურების საწინააღმდეგო ჯაჭვების გამოყენებით.
- მისაბმელიანი და ნახევრადმისაბმელიანი ავტოტრანსპორტის მოძრაობა, ასევე აკრძალულია ხაშური-აწყური, საჩხერე-ონის, ქუთაისი-ტყიბული-ამბროლაურის (ნაქერალას უღელტეხილი), ლენტეხი-მელეს, ხაიში-კალას, ახალციხე-ნინოწმინდას და ახალქალაქი-კარწახის საავტომობილო გზის მონაკვეთზე და ასევე გომი-საჩხერე-ჭიათურა-ზესტაფონის საავტომობილო გზის კმ12-კმ106 მონაკვეთზე.
- ყველა სახის ავტოტრანსპორტის მოძრაობა აკრძალულია მთის გზებზე – კორშა-შატილის მონაკვეთზე, კალა-უშგულის მონაკვეთზე, ფარავანის უღელტეხილის მონაკვეთზე.
კომენტარები