თბილისის ინფექციური საავადმყოფოს ხელმძღვანელმა თენგიზ ცერცვაძემ ტელეკომპანია „ფორმულას“ ეთერში, 19 წლის თეკლა თორდიას გარდაცვალებასთან დაკავშირებით ისაუბრა.
მისი თქმით, ფაქტთან დაკავშირებით უკვე დაწყებულია მოკვლევა და იმ შემთხვევაში თუ გამოვლინდებიან ბრალდებული პირები, ისინი დაისჯებიან.
„ამ შემთხვევაზე მოკვლევაა დაწყებული, შეიძლება გამოვლინდნენ ბრალდებული პირები და ისინი დაისჯებიან. გეუბნებით და სადაც გინდათ იქ დაგიმტკიცებთ, რომ ყოველ ერთ ასეთზე საქართველოში, მოდის 5 და 10 შეცდომა, თუ ეს შეცდომა იყო, ან ვთქვათ, ობიექტური სიძნელით გამოწვეული ტრაგედია, ევროპის ყველა განვითარებულ და ამერიკის ქვეყნებში.
თვითონ პროცესი კოვიდის პანდემიის, იმდენ სიძნელეს შეიცავს, რომ მასთან გამკლავება ასეთი ტრაგიკული შემთხვევების გარეშე და ზოგჯერ ალბათ შეცდომების გარეშე შეუძლებელია. ექიმებიც ადამიანები არიან. დიდი მნიშვნელობა აქვს ჰოსპიტალს გარეთ გარდაცვლილი ავადმყოფების რაოდენობას, 15-16 ადამიანი გვყავს სულ გარდაცვლილი და ათასობით არის ევროპაში და ამერიკაში, როგორ მივიღო კრიტიკა ამაზე?“ – განაცხადა თენგიზ ცერცვაძემ.
შეგახსენებთ, თეკლა თორდია 30 ნოემბერს გარდაიცვალა. მისი მშობლების თქმით, შვილის ჯანმრთელობის მდგომარეობა კოვიდსასტუმროში გადაყვანის დღიდან უკიდურესად მძიმე იყო. გადაყვანიდან მეორე დღეს მშობლებმა სასწრაფოსა და ჯანდაცვის სამინისტროში დაიწყეს რეკვა, დამძიმებული შვილის ჰოსპიტალში გადაყვანის იმედით, თუმცა, მათი თქმით, უწყებები სხვადასხვა მიმართულებით უსასრულოდ ამისამართებდნენ.
კომენტარები