თამურ ალასანიას საქართველოდან წასვლის მეორე დღესვე დაიწყო შიმშილობა – პარლამენტის ვიცე-სპიკერი, არჩილ თალაკვაძემ აცხადებს, რომ საქართველოს ყოფილი პრეზიდენტის, მიხეილ სააკაშვილის ბია საქართველოში კონკრეტული დავალებებით ჩამოვიდა და სავარაუდოდ, მასობრივი შიმშილობის აქცია სწორედ მის ვიზიტს უკავშირდება.
„აშკარაა, რომ რუსული სპეცსამსახურების თანამშრომელი თემურ ალასანია საქართველოში კონკრეტული დავალებით, კონკრეტული ინსტრუქციით ჩამოვიდა და პარტიულ ტელევიზიებს დაემუქრა, რომ დაფინანსებას შეუწყვეტდა, თუ უფრო რადიკალურ მოქმედებებზე არ გადავიდოდნენ. მან იგივე ინსტრუქცია ჩამოიტანა „ნაციონალური მოძრაობის“ ლიდერების მიმართ და სავარაუდოდ, სწორედ ამის შედეგია, რომ ალასანიას საქართველოდან წასვლის მეორე დღესვე დაიწყო შიმშილობა. რასაც ისინი შიმშილობას ეძახიან, სინამდვილეში, სააკაშვილმა დაბადების დღეზე მისულ სტუმრებს შიმშილობა დააწყებინა, რაც არის არა ლიდერობა, არამედ ეგოიზმი, როცა ჰოსპიტალში ხარ, საუკეთესო სამედიცინო მომსახურებას იღებ და შენ მიმართ ყველა პირობა უზრუნველყოფილია და ამ ფონზე, ზამთარში, პანდემიის პერიოდში, საკუთარ მხარდამჭერებს შიმშილობისკენ მოუწოდებ, ეს არის ეგოიზმი და არა ლიდერობა, თუმცა ვიცოდით, როგორი ხელმძღვანელი იყო სააკაშვილი, რადგან გორში, თვითმფრინავის გამოჩენაზე ის გაიქცა და თავისი ფრანგი კოლეგა მიატოვა. „ნაციონალური მოძრაობის“ ლიდერების მხრიდან ცინიკურ დამოკიდებულებაზე მიუთითებს ის, როცა საკუთარი მხარდამჭერები ქუჩაში საშიმშილოდ კარვებში დასვეს მაშინ, როცა დიდი კეთილმოწყობილი ოფისი აქვთ“, – განაცხადა თალაკვაძემ.
კომენტარები