“თეგეტა თრაქ ენდ ბასისა” და “საქართველოს უძლიერეს მამაკაცთა და მთიელთა თამაშების ეროვნული ფედერაციის”, ე.წ. Ⴑთრონგმენებს შორის თანამშრომლობის მემორანდუმი გაფორმდა.
თანამშრომლობის ფარგლებში თეგეტა სთრონგმენების სპონსორი და გულშემატკივარი ხდება. „თეგეტა თრაქ ენ ბასი“ ფინანსური მხარდაჭერის გარდა, ფედერაციის სპორტული მიღწევებისა და რეკორდების ორგანიზებაშიც ჩაერთვება.
გულშემატკივრებს არა ერთი საინტერესო და ექსტრემალური სანახაობა ელოდებათ, მათ შორის ევროპის ჩემპიონატის ღია პირველობა სატვირთო ავტომობილების გაწევაში და მსოფლიო რეკორდის დამყარება. ევროპის ღია პირველობა სატვირთოს გაწევაში კვირას 18 ივლისს, 18 საათზე საქართველოს ტექნიკური უნივერსიტეტის ეზოში არის დაგეგმილი. მსოფლიო რეკორდი ჯამში 9 სატვირთოს გაწევით კი 19 ივლისს, 09:00 საათზე, ჰუალინგის ცენტრთან დამყარდება.
ავთო ახვლედიანი, უძლიერეს მამაკაცთა ფედერაციის დამფუძნებელი: „ძალიან გვიხარია, რომ თეგეტა თრაქ ენ ბასის სახით ძალიან მნიშვნელოვანი მხარდამჭერი შევიძინეთ ფედერაციამ და საერთოდ ამ სპორტმა საქართველოში. 18 ივლისს, საღამოს 6 საათზე სააკაძის მოედანზე, ტექნიკური უნივერსიტეტის ეზოში უკვე ვიწვევთ ექსტრემალური სანახაობის მოყვარულებს და ჩვენს გულშემატკივრებს. ევროპის ჩემპიონატი რამდენიმე მოძრაობაში ჩატარდება. სპორტსმენები სხვადასხვა ქვეყნიდან ერთმანეთს სატვირთოს გამოქაჩვაში, გაწევაში, ამოწევასა და მიწოლაში შეეჯიბრებიან. საქართველოს ნაკრებიდან 5 სპორტსმენი იასპარეზებს. ასე რომ, გელით ერთად აღვნიშნოთ ახალი მსოფლიო რეკორდი და გამარჯვება.“
ევროპის ჩემპიონატი ორ – 105 კილოგრამიან და მძიმე წონით კატეგორიაში ჩატარდება. მსოფლიო რეკორდის მოხსნას კი, შეჯიბრებიდან დაკომპლექტებული საქართველოსა და ევროპის ერთობლივი 9 კაციანი შემადგენლობა შეეცდება, MAN-ის ბრენდის 9 სატვირთო ავტომობილთან შერკინებით.
“თეგეტა თრაქ ენდ ბასი” ლიდერი კომპანიაა სატვირთო ავტომობილების, პროდუქტებისა და სერვისების მიმართულებით. კომპანია დაარსდა 2006 წელს და წარმოადგენს სატვირთოა ავტომობილებისა და ავტობუსების მწარმოებელ გერმანული უმსხვილესი ბრენდის MAN-ის ოფიციალურ იმპორტიორს საქართველოში.
კომენტარები