თბილისში, პირველ საუნივერსიტეტო კლინიკაში, საკეისრო კვეთის შემდეგ, კორონავირუსით ინფიცირებული ქალი გარდაიცვალა. ინფორმაცია „მთავარ არხს“ დაუდასტურა კლინიკის დირექტორმა ლევან რატიანმა.
როგორც მან “მთავარი არხის” ვებგვერდს უთხრა, 30 წლამდე ქალს საკეისრო კვეთა ნაადრევად, 36-ე კვირას უტარდებოდა. კორონავირუსით გამოწვეული გართულებების გამო ის გარდაიცვალა. შემთხვევა გუშინ, 17 ივლისს მოხდა.
რატიანის თქმითვე, ახალშობილი გადარჩა, აპარატიდან მოხსნილია და ამ დროისთვის, რეანიმაციულ განყოფილებაში იმყოფება.
კომენტარები