“თბილისს აქვს ერთი სიმახინჯე…” – რას წერს დათო გამცემლიძე

ჟურნალისტი, დათო გამცემლიძე:

უპატრონო ძაღლების ქვეყანა
. . . . . . . . . . . . . . . . .
ამას წინათ ევროპელმა სტუმარმა მითხრა: თბილისის ცენტრში ვცხოვრობ, თითქოს ყველაფერი რიგზეა, ევროპული ქალაქის პირველ შთაბეჭდილებას ტოვებს, მაგრამ რომ დააკვირდები, აქვს ერთი სიმახინჯე, რაც მის აზიურ/აფრიკულ/კავკასიურ დაფარულ ბუნებას ამჟღავნებსო.
`კავკასიურ` წამოცდა, თუმცა თავისთავად საინტერესოა ამგვარი ნარატივი, მაგრამ სხვა თემაა.

`რა თვისებაა მეთქი ასეთი?` – ვკითხე
`უპატრონო ძაღლები` – მიპასუხა უყოყმანოდ, დაუფიქრებლად და კითხვაც დაამატა: `ასეთი რამ ევროპაში თუ გინახავსო`.

არა, არ მინახავს.

მაგრამ რატომ? როგორ?

ველაპარაკე და გაირკვა, რომ მთავარი, რაც ამ პრობლემის გადაწყვეტის დასაწყისი გახდა ევროპაში, იყო ფუნდამენტური კანონი შინაური ცხოველების აღრიცხვის შესახებ.

ნებისმიერი სპეციალისტი გეტყვით, რომ `ქუჩის ძაღლების` პოპულაციის გავრცელებას პირველ რიგში იწვევს უპასუხისმგებლო და ქარაფშუტა მოქალაქეების მიერ ლეკვის აყვანა და მერე მისი გაგდება.
80%-ით ასეა.

ევროპაში ეს შეუძლებელია: თუ ძაღლი აღარ გინდა, შეგიძლია თავშესაფარში ჩააბარო, მაგრამ გვარიან ჯარიმას გადაგახდევინებენ. თუ გააგდებ ამაზეც დიდი ჯარიმაა.
სპეციალური სამსახური სახლებში მიდის და ამოწმებს.

`მოკვდა და დავმარხეო` – `იოლად` მოიტყუებს რასაკვირველია ტრადიციული ქართველი, მაგრამ ნუუუუურას უკაცრავად: თუ ძაღლი მოკვდება ევროპაში, სანიტარულ სამსახურს უნდა შეატყობინო. მოვა, დაადასტურებს და მერე დამარხავ. თუ არა და ამაზეც გვარიანი ჯარიმაა!

ახლა რაც შეეხება მიუსაფარ ქუჩის ძაღლებს:

ევროპაში მათ ქუჩაში აძინებენ ძვლიან ხორცში შერეული დასაძინებლით (ანუ ყეფა-წკმუტუნის გარეშე), მერე გადაჰყავთ თავშესაფარში, იქ ხდება კასტრაცია, აცრა და კვება სანამ ცოცხლები არიან

ძვირია? დიახ ძვირია. თან ძალიან ძვირი, მაგრამ….კომფორტი ძვირია!
აბა როგორ გვინდა?

რა თქმა უნდა მაშინვე გამოჩნდებიან პოპულისტები, რომლებიც მორთავენ ამაზრზენ წუწუნ-დემაგოგიას: `ადამიანებს შიათ და `ესენი` კილოობით ხორცს ძაღლებს აჭმევეეეეეეეეენ….`

მაგრამ ხელისუფლება იმის ხელისუფლებაა, პოპულისტებს ყურადღება არ უნდა მიაქციოს.
ეს სწორედ ის პოპულისტები იქნებიან, ახლა რომ ისტერიკა აქვთ `უიმე ძაღლმა ბავშვი დაკბინა……` `უიმე ცოფიიიიიი`

ჰო და, `ევროპელობა` კიდევ იმასაც ნიშნავს, რომ ძაღლებს ასე ადვილად არავინ დაგახოცინებს `იოლი გამოსავალის` სახით.

ესაც ძალიან მნიშვნელოვანი მარკერია ევროკავშირისთვის (ხოცავ თუ არა ცხოველებს) და ასეთ შემთხვევაში ჩვენთან ყოველგვარ მოლაპარაკებას და ურთიერთობას შეწყვეტენ, როგორც ადამიანურ` სამხეცესთან`.

ევროპელობა ძ ნ ე ლ ი ა!