შპს “თბილისის სატრანსპორტო კომპანია” რუსული პროდუქციის ყიდვას განაგრძობს – “თავისუფლების ინსტიტუტის” ცნობით, კომპანია 439 000 ლარის ღირებულების სალიანდაგო ზედნაშენს 6 რუსული კომპანიისგან ყიდულობს.
შპს “თბილისის სატრანსპორტო კომპანია” სალიანდაგო ზედნაშენს აშშ-სა და დიდი ბრიტანეთის მიერ სანქცირებული სააქციო საზოგადოება “სევერსტალის” შვილობილი “სევერსტალ-მეტიზისგან”, ტენდერში გამარჯვებული შპს “ბეთანის” გავლით ყიდულობს.
შპს “თბილისის სატრანსპორტო კომპანია” და შპს “ბეთანი” მეთოდს არ ცვლიან და ახალ 2024 წლის ტენდერსაც იდენტურად ასრულებენ. მიმწოდებელმა კომპანიამ 439 000 ლარის სალიანდაგო ზედნაშენი შეიძინა ექვსი რუსული კომპანიისგან.
კომპანიების ჩამონათვალი:
- ღია სააქციო საზოგადოება “სევერსტალ-მეტიზი” (ОАО Северсталь-метиз)
- შპს “ტეხნოსტროი” (ООО Технострой)
- შპს სამეცნიერო საწარმოო გაერთიანება “ გამოყენებითი პერსპექტიული ტექნოლოგიები აპატეკი “ ООО НПП «ПРИКЛАДНЫЕ ПЕРСПЕКТИВНЫЕ ТЕХНОЛОГИИ – АпАТэК»
- სააქციო საზოგადოება “ლიტმაშდეტალი” АО ЛИТМАШДЕТАЛЬ
- შპს “პოლიპასტი” (ООО Полипласт)
- შპს მილების ინდუსტრიის კომპანია – “მეტიზის ალიანსი” (ООО ТПК МЕТИЗНЫЙ АЛЬЯНС)
კომპანიებს შორისაა ღია სააქციო საზოგადოება “სევერსტალ-მეტიზი” (ОАО Северсталь-метиз) შვილობილი კომპანიაა სააქციო საზოგადოება სევერსტალის (Северсталь), რომელიც 2022 წლის მარტში დაასანქცირა ამერიკამ და ბრიტანეთმა. ასევე სანქციების ქვეშაა კომპანიის მფლობელი ალექსეი მორდაშოვი, რომელიც სანქციების სიაში მოხვდა უკრაინაში რუსეთის ომის ხელშეწყობის გამო, – წერს ორგანიზაცია.
კომენტარები