თბილისის მუნიციპალურ ტრანსპორტში ერთჯერადად მგზავრობა ძვირდება. პირველი თებერვლიდან თბილისში საზოგადოებრივი ტრანსპორტის სააბონენტო სისტემა ამოქმედდება, რომლის მიხედვითაც, მგზავრებს აბონიმენტების შეძენა შეეძლებათ.
5 იანვრიდან აბონიმენტების გაყიდვა დაიწყება. ცვლილების შესახებ თბილისის მერმა კახა კალაძემ მთავრობის სხდომაზე ისაუბრა.
შემოგვაქვს სააბონიმენტო, ულიმიტო სისტემა, რაც ძალიან მნიშვნელოვანია. ყველაფერი დაინერგება პირველი თებერვლიდან. მანამდე მეტროს, მიკროავტობუსისა და ავტობუსის მომხმარებლებს ექნებათ შესაძლებლობა, შეიძინონ აბონიმენტები. 5 იანვრიდან დაიწყება აბონიმენტების გაყიდვა მეტროს სალაროებსა და საქართველოს ბანკის ექსპრეს ფილიალებში”, – თქვა კახა კალაძემ.
სააბონენტო სისტემის ფასები იქნება:
ულიმიტო 90-წუთიანი ბარათი -1 ლარი;
ულიმიტო 1-დღიანი ბარათი – 3 ლარი;
ულიმიტო 1-კვირიანი ბარათი – 20 ლარი;
ულიმიტო 1-თვიანი – 40 ლარი;
ულიმიტო 3-თვიანი ბარათი – 100 ლარი;
ულიმიტო 6-თვიანი ბარათი – 150 ლარი;
ერთწლიანი ბარათი – 250 ლარი.
ახალი აბონიმენტების აღება ნებაყოფლობითი იქნება.
შეღავათიან ფასებში, 20 თეთრად იმგზავრებენ თბილისის უნივერსიტეტების სტუდენტები, პროფესიული სასწავლებლების სტუდენტები და თანამშრომლები, პენსიონრები, თბილისის პოლიკლინიკებში დასაქმებული უბნის ექიმები, პედიატრები და ოჯახის ექიმები, საგანმანათლებლო დაწესებულებებში მომუშავე მანდატურებ. ასევე, 10 თეთრად იმგზავრებენ სოციალურად დაუცველები.
კომენტარები