რუსეთის საგარეო საქმეთა მინისტრმა სერგეი ლავროვმა განაცხადა, რომ ბოლო 8 წლის განმავლობაში დასავლეთის ქვეყნები იცავდნენ უკრაინის რეჟიმის სურვილს, რომ არ შეესრულებინათ მინსკის შეთანხმება.
„დასავლეთის ქვეყნები უკრაინას უბიძგებდნენ დონბასის პრობლემის ძალისმიერი გადაწყვეტისკენ და თავად კიევი ემზადებოდა ომისთვის დონეცკისა და ლუგანსკის წინააღმდეგ“, – განაცხადა რუსეთის საგარეო საქმეთა მინისტრმა.
ლავროვის თქმით, დასავლეთმა რუსეთს ტოტალური ჰიბრიდული ომი გამოუცხადა, როგორც კი რუსეთმა თავისი შეფასებების გამოხატვა და ეროვნულ ღირებულებებზე დაყრდნობა დაიწყო.
„უკრაინის კრიზისის საბაბით, კოლექტიურმა დასავლეთმა გამოგვიცხადა არსებითად ტოტალური ჰიბრიდული ომი. იგი მოიცავს სხვადასხვა სფეროს, მათ შორის, საინფორმაციო სივრცეს. დასავლეთმა, როგორც მოგეხსენებათ, დემოკრატიის შუქურის ტიტული მიითვისა და უხეშად არღვევს თავის საერთაშორისო ვალდებულებებს“ – აღნიშნა ლავროვმა.
კომენტარები