ოკუპირებული სამხრეთ ოსეთის მიერ, ქართველი სამოქალაქო აქტივისტის, თამარ მეარაყიშვილის წინააღმდეგ დაწყებული ე.წ სისხლის სამართლის საქმე დაიხურა, – ამის შესახებ ინფორმაციას “ეხო კავკაზა” ავრცელებს.
მეარაყიშვილის წინააღმდეგ “გამოძიება” 2017 წელს დაიწყო. მას დე ფაქტო ხელისუფლების ე.წ შინაგან საქმეთა სამინისტრო სამ “საქმეს” ედავებოდა. მათ შორის იყო, “სამხრეთ ოსეთის პასპორტის არალეგალური გზით მოპოვება, წინასწარი შეცნობით, ყალბი დოკუმენტის გამოყენება და ცილისწამება პარტია “გაერთიანებული ოსეთის” წევრის, სპარტაკ დრიაევის წინააღმდეგ.”
ე.წ ცილისწამების საქმის გამოძიება 2020 წლის 17 იანვარს შეჩერდა.
დღეს, 20 დეკემბერს, მეარყიშვილმა მიიღო კიდევ ერთი “ოფიციალური წერილი” ოკუპირებული რეგიონის ე.წ პროკურატურიდან, რომელმაც აქტივისტს აცნობა, რომ მისი “საქმე” დახურული იყო.
მეარყიშვილის თქმით, “2017 წელს მისი დროებით დაკავება და მისი სახლის ჩხრეკა უკანონოდ გამოცხადდა”.
კომენტარები