სამწუხაროდ, ვაქცინების გარკვეული რაოდენობა აუთვისებელი დარჩა – ეს არ ნიშნავს, რომ მიმდინარე პერიოდში სამინისტრო არ გააგრძელებს მუშაობას ვაქცინაციის კამპანიაზე, ეს პრიორიტეტულია, – ამის შესახებ ჯანდაცვის მინისტრის მოადგილე თამარ გაბუნიამ ჟურნალისტებთან საუბრისას განაცხადა.
როგორც გაბუნია განმარტავს, ყველაფერი კეთდება, რომ ვაქცინაციის პროგრამა შესრულდეს.
“სამწუხაროდ, ვაქცინების გარკვეული რაოდენობა აუთვისებელი დარჩა. ეს ვაქცინები ქვეყანამ შედარებით გვიან, დონაციის გზით მიიღო, ჩვენთვის რთული იყო დაგეგმვა ამ პირობებში. მოლოდინი და მოთხოვნა ვაქცინებზე პირველ ეტაპზე ძალიან მაღალი იყო, შემდეგ მნიშვნელოვნად შემცირდა. ეს არ ნიშნავს, რომ მიმდინარე პერიოდში სამინისტრო არ გააგრძელებს მუშაობას ვაქცინაციის კამპანიაზე, ეს პრიორიტეტულია. ყველაფერი კეთდება, რომ ვაქცინაციის პროგრამა შესრულდეს”,- აღნიშნავს გაბუნია.
კომენტარები