ტერაქტთან დაკავშირებით, ჩვენ არ ვიღებთ აშშ-ის საელჩოს სამძიმარს – თურქეთის შსს მინისტრი

თურქეთის შინაგან საქმეთა მინისტრმა, სულეიმან სოილუმ განაცხადა, რომ ტერაქტთან დაკავშირებით თურქეთი არ იღებს აშშ-ის საელჩოს სამძიმარს.

“ჩვენ არ ვიღებთ აშშ-ის საელჩოს სამძიმარს, ის კვებავს ტერორისტულ რეგიონებს. ტერორისტი რომ არ დაგვეჭირა, ის საბერძნეთში გაიქცეოდა. ოპერაციები გრძელდება. მთელი ჩვენი უშიშროება, უსაფრთხოების ძალები, ყველა ჩვენი დაზვერვის განყოფილება მზადყოფნაშია.”

სულეიმან სოილუმი აფეთქებაში სეპარატისტ ქურთებს, კერძოდ ქურთისტანის მუშათა პარტიასა (PKK) და სირიაში მოქმედ სახალხო დაცვის შენაერთებს (YPG) ადანაშაულებს. ეს ჯგუფები თურქეთს ტერორისტულ ორგანიზაციებად ჰყავს გამოცხადებული. თურქეთის შინაგან საქმეთა მინისტრის მტკიცებით, თავდასხმა ჩრდილოეთ სირიაში, ქურთების მიერ კონტროლირებად ტერიტორიაზე დაიგეგმა. კერძოდ, სოილუმის თქმით, აფეთქების ბრძანება ქალაქი აინ ალ-არაბიდან იყო გაცემული, სადაც PKK-სა და YPG-ს შტაბბინებია.

შეგახსენებთ, 13 ნოემბერს სტამბოლში ტერაქტს რვა ადამიანი ემსხვერპლა, 81 კი დაშავდა.