“ტელე ნაძეჟდას ახალი პრ “სვლები” დაუმუშავებია” – სამადაშვილი

დეპუტატი სალომე სამადაშვილი, აქვეყნებს ფოტოს და წერს:

“ტელე ნაძეჟდას ახალი პრ ‘სვლები’ დაუმუშავებია, დღეს ტვიტერზე დამთაგა პაპუაშვილის ციტატაზე, (ინგლისურად ნათარგმნია), სადაც კომიტეტების გაცდენაში მადანაშაულებს.

აი, ეს, ცრუპენტელა, მთელი დასავლეთის პოლიტიკური ესტაბლიშმენტის გადამგდები პოლიტიკური ძალა და მათი პროპაგანდისტული მედია, თავის მოკლე ჭკუით, ფიქრობს, რომ ამით ჩემს საერთაშორისო რეპუტაციას დააზიანებს.

გიორგი ხელაშვილმა დიდი სინანულით აღნიშნა, რომ მაგას მაინც ხვდებიან, ძველი კავშირები აქვსო.

ახლა გადაწყვიტეს, რომ კომიტეტის გაცდენას თუ აცნობებენ მსოფლიოს, აღარავინ გამცემს ხმას.

რაღაცნაირი ტიპები არიან ახალი თაობის ქოცები. სკოლაში უნიჭო და მლიქვნელი კლასელები რომ გვყოლია, ისე რომ ვერ ქაჩავდნენ და ‘შატალოზე’ ასმენდნენ ბავშვებს, მასწავლებლის გულის მოსაგებად, იმ კალიბრის.

P.S. იგივე ტელევიზიის ჟურნალისტი, სტრასბურგში, ჩემს დანახვაზე, თავს ტელეფონში რგავდა. ზრდილობისთვის, ერთი კომენტარი მაინც ჩაეწერა. მითუმეტეს, 8 წელი აქტიურად თანამშრომლობდა ჩემთან, როგორც ელჩთან, როდესაც მაშინდელი ხელისუფლების გავლენის ქვეშ მყოფ მედია არხზე მუშაობდა.

რა სევდიანი ამბავია…”