“ჭკუას არ გარიგებ, მაგრამ…” – სააკაშვილის შეთავაზება ზურაბიშვილს

“მის ადგილზე რომ ვიყო, მე სახლის პლატფორმას გამოვიტანდი ქუჩაში,” – ამ სიტყვებით მიმართავს საქართველოს მესამე პრეზიდენტი მოქმედ პრეზიდენტს სალომე ზურაბიშვილს.

მინდა მივესალმო პრეზიდენტ ზურაბიშვილის მიერ ევროპული ერთიანობისთვის პლატფორმის ინიცირებას. ერთადერთი ჩემი აზრი არის, რომ ახლა აღარ არის დისკუსიების და ლაპარაკის დრო, ახლა საქმეზე გადასვლის, კონკრეტული წინადადების ჩამოყალიბების, სამოქალაქო სექტორის ჩართვის, არასამთავრობო ორგანიზაციების, პოლიტიკური პარტიების, ბიზნესმენების და სახელმწიფო აპარატის წარმომადგენლებისაც იმისთვის, რომ შევიმუშაოთ კონკრეტული რაღაცები. მარტო ლაპარაკი იმაზე, რომ რუსული დეზინფორმაცია არის ცუდი, ეს არაფერს არ გვაძლევს, უნდა იყოს კონკრეტული წინადადებები, ჩვენ რა უნდა ვაკეთოთ, რომ ასე არ იყოს. მარტო ლაპარაკი, რომ უნდა იყოს თავისუფალი არჩევნები არაფერს არ გვაძლებს, ჩვენ უნდა ვილაპარაკოთ იმაზე, როგორ უნდა ვუზრუნველყოთ ეს თავისუფალი არჩევნები. არ ვაპირებ მოქმედი პრეზიდენტისთვის ჭკუის დარიგებას. უბრალოდ ვეტყოდი, რომ მის ადგილზე რომ ვიყო, მე სახლის პლატფორმას გამოვიტანდი ქუჩაში, შენობაში ერთი და იგივე ხალხთან შეხვედრა ჰგავს ერთ წრეზე სიარულს, გვერდიდან როცა უყურებ. ფართო, თავისუფლების მოედანი დაპატარავდა, სპეციალურად სივრცე შეამცირეს, იპოდრომი, პრაქტიკულად, აღარ არსებობს, არსებობს რუსთაველი, რომლის გავსებაც შესაძლებელია, ყველას ერთად შეუძლია და თუ ქალბატონი სალომე აიღებს ასეთ ინიციატივას, ჩვენ მხარს დავუჭერთ,“ – ამბობს მიხეილ სააკაშვილი.