“ტანკი აუფეთქდა და დაიწვაო” – რა მოხდა სენაკის სამხედრო ბაზაზე?

მთავარი არხის ინფორმაციით, 45 წლის სამხედრო მოსამსახურე სიკვდილს სასწაულებრივად გადაურჩა. შემთხვევა 3 დღის წინ მოხდა. თავდაცვის უწყება კომენტარს არ აკეთებს.

მედიის ცნობით, გასაიდუმლოებულ შემთხვევას სამხედრო პოლიცია იძიებს. ინციდენტის შედეგად დაშავებული სამხედრო მოსამსახურე ზურაბ ფისენკო კი მძიმე დამწვრობით თურქეთში გადააფრინეს, სადაც მას ოპერაცია უკვე ჩაუტარდა. ამ დროისთვის მის სიცოცხლეს საფრთხე არ ემუქრება.

“თქვეს, რომ გადაყვანილიაო, მაგრამ სად არისო გადაყვანილი, არ [ვიცი]… სამხედრო პირი აფეთქებულაო, ახალგაზრდა ბიჭიო და დამწვრობა აქვსო მიღებულიო. მემგონი სენაკის სამხედრო ბაზაზე მოხდა”..

“ტანკი აუფეთქდა და დაიწვაო. ვიცი, რომ მძიმე მდგომარეობაში არის, 80% დამწვრობა აქვსო და მეტი არაფერი არ ვიცი”, – ამბობენ ადგილობრივები.