ბელარუსის ოპოზიციის ლიდერი ემიგრაციაში, სვეტლანა ტიხანოვსკაია 25 მაისს კიევში პირველი ოფიციალური ვიზიტით ჩავიდა. ინფორმაციას უკრაინული მედია ავრცელებს.
კიევში ჩასვლის შემდეგ ტიხანოვსკაიამ ვიზიტი ლუკიანოვსკის სამხედრო სასაფლაოზე მისვლით დაიწყო, სადაც დონბასში დაღუპული 24 წლის ბელარუსი მოხალისე და აქტივისტი მარია ზაიცევა არის დაკრძალული.
„ჩემთვის ძალიან მნიშვნელოვანი იყო ვიზიტის დაწყება ადამიანის ხსოვნის პატივსაცემად, რომელმაც სიცოცხლე უკრაინისა და ბელარუსის თავისუფლებას შესწირა,“ — წერს ტიხანოვსკაია.
ვიზიტის ფარგლებში დაგეგმილია შეხვედრები უკრაინის პრეზიდენტთან ვოლოდიმირ ზელენსკისთან, საგარეო საქმეთა მინისტრ ანდრეი სიბიჰასთან, უმაღლესი რადას ხელმძღვანელობასთან და ევროკავშირის დიპლომატებთან.
ასევე იგეგმება უკრაინაში ბელარუსის დემოკრატიული ძალების მისიის გახსნა.
ტიხანოვსკაიას ვიზიტი გასული კვირის ბოლოს დაანონსდა. მანამდე უკრაინის საგარეო საქმეთა სამინისტროში ბელარუსის ოპოზიციასთან ურთიერთობებზე პასუხისმგებელი პირი დაინიშნა, ხოლო ანდრეი სიბიგამ ტიხანოვსკაიასთან ოფიციალური შეხვედრა გამართა.
კომენტარები