“საუბედუროდ, ამ ქალბატონის – ვიოლია ფონ კრამონის სულ უფრო მეტად ქედმაღლური და აროგანტული ტონი, რისი მაგალითიცაა ეს ფრაზა: “თქვენ ვერ იტყვით უარს იმაზე, რისი მიღების უფლებაც არ გქონდათ”, არც მეტი, არც ნაკლები – სკკპ ცეკას მდივანს – სუსლოვს, რომელიც იდეოლოგიას განაგებდა, მაგონებს. სუსლოვიც, ზუსტად მასავით, “იდგა ქართველი ხალხის გვერდზე”, როცა ჩვენს, “აქოურ ცეკას” მსგავსი ფრაზებით ჭკუას ასწავლიდა.” – წერს სოციალურ ქსელში ანალიტიკოსი დავით ზარდიაშვილი.
“რასაკვირველია, პარტნიორებს ამ ტონით არ ელაპარაკებიან და უარესიც: თვით დომინიონებსაც კი, რომ არ დააფრთხონ, არ ელაპარაკებიან ამ ტონით. ასეთი ქედმაღლურ და ხაზგასმულად ღირსებისშემლახავ “ჭკუის დარიგებას” მხოლოდ კოლონიას თუ ჰკადრებენ.
ბოლო-ბოლო რისი მიღწევა სურს, გამოცანად რჩება, რადგან აროგანტულობის ტონალობის ზრდა უეჭველად პირდაპირპროპორციული იქნება საქართველოში პუტინის მომხრეების რაოდენობრივი და არა მხოლოდ რაოდენობრივი, არამედ ხარისხობრივი ზრდისაც.
“სუსლოვს გავეყარე, კრამონს შევეყარეო” – ნუთუ ასეა ჩვენი საქმე?! რათა შვილო, რათა? ვის რა ვირი მოვპარეთ?
ეეჰ… “კარგი რამ მჭირდეს – გიკვირდეს, ცუდი რა საკვირველიაო?” – უარესს უნდა ველოდეთ…” – წერს ზარდიაშვილი.
კომენტარები