“სულ გადღაბნილებმა რომ არ ვიაროთ და ფოკუსი გავასწოროთ” – რა სქრინს აქვეყნებს ნინო ჯანგირაშვილი

ჟურნალისტი, ნინო ჯანგირაშვილი:

სულ გადღაბნილებმა რომ არ ვიაროთ და ფოკუსი გავასწოროთ. ეს არის ვრცელი სტატუსის ნაწილის სქრინშოთი, დაახლოებით ერთი თვის წინანდელი. ერთი ადამიანის მიერ დაწერილი, რომელთანაც ოდესღაც გულთბილი ურთიერთობა მქონდა. იმდენად შემზარა მაშინ ამის წაკითხვამ, არც გავაზიარე, უბრალოდ დავასქრინშოთე უზარმაზარ სტატუსში ჩაკარგული ეს წინადადება. არ დავაკონკრეტებ სპეციალურად გვარს, იმიტომ რომ გვარი არ არის აქ მთავარი. ეს არის კრებსითი ქოცის მხარდამჭერი და მოუწოდებს ქოცებს არ დაგვინდოს მე და ჩემნაირები. თუ “საჭიროა“ გვესროლონ კიდეც. ჩემი სიკვდილით რომ მოვკვდე ალბათ დაწერს, რომ უი, არ ვიყავი ცუდი გოგო, და ეწყინა. ამით საკუთარი “ზეადამიანურობის“ დემონსტრირებას მოაწყობს. მაგრამ თუ ქოცი მომკლავს, გააპრავებს, რომ ცუდ გზაზე შევდექი და აგენტს სახელმწიფო სხვანაირად ვერ მოექცეოდა. აი, ეს არიან ქოცები დღეს. ყველა ქოცი, რომელიც დღემდე შემორჩა მათ რიგებში და მხარდამჭერებში ჩვენს დახვრეტაზე ხელის მომწერია, ოღონდ პირადი კეთილდღეობა გადაირჩინოს. დანარჩენი თქვენ გადაწყვიტეთ, ვინც გინდათ იგლოვეთ და ვინც გინდათ არ იგლოვოთ.

P.S. მე პირადად ამ ადამიანზე არასოდეს არ მომიბრუნდება გული, არც ცოცხალზე, არც მკვდარზე, იმიტომ რომ მისი ხელიდან ჩვენი დახვრეტის ნებართვა გაცემულია და ის ჩემთვის ადამიანი აღარ არის.