“სუბარი აქ არ არის და გადაეცით, რომ არსებობს ძალიან კარგი ალკოდამოკიდებულების პროგრამა – ანი წითლიძე

„ნაციონალური მოძრაობის“ წევრმა, ანი წითლიძემ პარლამენტის პლენარულ სხდომაზე განაცხადა:

“როგორც ჩანს, ბატონი კობახიძისთვის მემკვიდრეობით ნორმაა პრეზიდენტების მკვლელობაში მონაწილეობის მიღება და რუსული ФСБ-ს ენით საუბარი, როდესაც საუბრობს პრეზიდენტის ფსიქიკურ მდგომარეობაზე. ის, რაც სააკაშვილს სჭირს, ეს არის წამებით გამოწვეული და იმით, რომ არ უზრუნველყო ხელისუფლებამ ის სათანადო სამედიცინო მომსახურებით. ხოლო ის, რაც ბატონ კობახიძეს სჭირს და ეს სულაც არ არის სირცხვილი, ფსიქოლოგიურ ენაზე ამას ჰქვია „არასრულფასოვნების კომპლექსი“, – ამის შესახებ

ანა წითლიძემ უმრავლესობის დეპუტატს, სოზარ სუბარს მოუწოდა „ალკოდამოკიდებულების პროგრამით“ ისარგებლოს.

„ქართული ოცნების“ მმართველობის ეს წლები გამოირჩევა ზიზღის, ბოღმის, სიძულვილის ენის, საზოგადოების კიდევ უფრო მეტად დაყოფით და ყოველთვის, როცა გვგონია, რომ ყველანაირი ფსკერი უკვე გახვრიტეთ, მაინც ახერხებთ კიდევ უფრო მეტად საზოგადოების გაოცებას. განსაკუთრებით ამორალური და განსაკუთრებით სამარცხვინო იყო  და სოზარ სუბარის განცხადებები საქართველოს მესამე პრეზიდენტთან დაკავშირებით.

ასევე უნდა ვუპასუხო ბატონ სოზარ სუბარს,  რომელმაც შეურაცხმყოფელი განცხადება გააკეთა, როდესაც საქართველოს მესამე პრეზიდენტს სუიციდის პროგრამით სარგებლობა შესთავაზა.

„ბატონი სუბარი აქ არ არის და გადაეცით, რომ არსებობს ძალიან კარგი პროგრამა – „ალკო დამოკიდებულების პროგრამა“ და ვფიქრობ, ამით ბატონმა სუბარმა უნდა ისარგებლოს“, – განაცხადა წითლიძემ, რის გამოც მას მიკროფონი გამოურთეს.

წითლიძის ამ განცხადებას სხდომაზევე გამოეხმაურა პარლამენტის თავმჯდომარე შალვა პაპაშვილი და დეპუტატს მოუწოდა, განცხადებები ეთიკის ფარგლებში გააკეთოს.