რუსთაველზე გამართულ აქციაზე სიტყვით გამოდიან სტუდენტები.
აქციის მონაწილე სტუდენტი, მიმართვისას, ამბობს:
დიახ, თქვენ ხართ გმირები, თქვენ უძლებთ წყლის ჭავლს, ცრემლსადენ გაზს და იცავთ ამ ქვეყნის მომავალს. ქართული ოცნება დღეს ამ ქვეყანას ართმევს მომავალს – შეეგუებით? არ უნდა მივცეთ უფლება ეს ქვეყანა არის ჩვენი.
მივმართავ ქართული ოცნების ამომრჩეველს, რომელიც ჯერ კიდევ დგას ევროპულ კურსზე, თქვენც აქ უნდა იდგეთ! ყოველთვის იძახდნენ, რომ სტუდენტები არ იყვნენ აქტიურები, სტუდენტებია ამ ქვეყნის მომავალი. ჩვენ დავცალეთ აუდიტორიები გამოვედთ აუდიტორებიდან, პირველნი ვიდექით წყლის ჭავლის წინააღმდეგ, ვიცავდით ამ ქვეყნის მომავალს და დავიცავთ კიდეც.
ჩვენ სტუდენტები მზად ვართ პოლიტიკურ პროცესებში ჩავერთოთ აქტიურად. ჩვენ ჩავერთვებით პოლიტიკურ პროცესებში და ამ ქვეყანას ისევ ჩავაყენებთ ევროპულ გზაზე.
მოვუწოდებთ ყველა ლექტორს, აღარ არის აუდიტორიებში სხდომის დრო, გამოდით და ლექციები გადმოიტანეთ აქ, რუსთაველზე. აქ უნდა დავიცვათ ჩვენი ქვეყნის მომავალი. დღეს ყველანი ერთად უნდა გავერთიანდეთ რუსული ოცნების წინააღმდეგ.
მივმართავ იმ მოღალატე დეპუტატებს, რომლებმაც ხელი მოაწერეს ამ მოღალატეობრივ კანონს და რომლებიც ჯერ კიდევ არიან უნივერსიტეტებში – აქვთ უფლება ლექციები ჩაატარონ? ამიტომ უნდა დატოვონ აუდიტორიები და უნდა აეკრძალოთ ლექციების ჩატარება!
სტუდენტებო, ყველამ ერთად, უნდა დავცალოთ აუდიტორიები, აღარ აქვს მნიშვნელობა ჩვენ სწავლას და განათლებას, თუ ამ ქვეყანას მომავალი არ ექნება, არ აქვს მნიშვნელობა, რამდენ დიპლომს აიღებთ, თუ ეს ქვეყანა გახდება რუსეთის გუბერნია არაფერს აღარ ექნება მნიშვნელობა.
ქართულმა ოცნებამ ბევრჯერ მოგვატყუა, გადაგვაგდო, როცა პროპორციული არჩევნები შეგვპირდა, არ უნდა მივცეთ ჩვენი მოტყუების შანსი, მანამ უნდა ვიდგეთ აქ, სანამ ეს კანონპროექტი არ ჩავარდება.
დღეს პარლამენტი არ ასრულებს ხალხის ნებას!
კომენტარები