სწორი იქნება, თუ საგანგებო მდგომარეობა ორი კვირით გახანგრძლივდება, – ამის შესახებ საზმაუს ეთერში ინფექციური პათოლოგიის, შიდსისა და კლინიკური იმუნოლოგიის სამეცნიერო პრაქტიკული ცენტრის დირექტორმა, თენგიზ ცერცვაძემ განაცხადა და მიზეზად ის დაასახელა, რომ რაც უფრიო მკაცრად იქნება დაცული შეზღუდვები, მით მეტად მალე წავა პანდემია დაღმავალი გზით.
“დღევანდელ სიტუციაში, ალბათ, უფრო სწორი იქნება, თუ საგანგებო მდგომარეობა ორი კვირით გახანგრძლივდება იმიტომ, რომ, რაც უფრო მკაცრად და ზედმიწევნით დავიცავთ შეზღუდვებს და რეკომენდაციებს, მით უფრო ჩქარა გავივლით პიკს და გავუშვებთ ეპიდემიას დაღმავალი გზით”, – თქვა თენგიზ ცერცვაძემ.
ამასთან, ცერცვაძე ამბობს, რომ ისე არ უნდა მოხდეს, რომ ეკონომიკური რეცესია ქვეყნისთვის უფრო მძიმე აღმოჩნდეს, ვიდრე პანდემია:
“ეკონომიკური რეცესია არ იყოს იმდენად ღრმა, რომ შემდეგ ეპიდემიამ გაიაროს, მაგრად ეკონომიკის აღდგენა ვერ მოხერხდეს. ეს არანაკლები და შეიძლება უფრო მძიმე გამოწვევაც იყოს, ვიდრე ეპიდემია”, – აღნიშნა თენგიზ ცერცვაძემ.
კომენტარები