“სწორედ არახამია უნდა გამოიყენოს მთავარ პოლიტიკურ ლობისტად საქართველომ…” – ზურაბ გურული

“ჩვენ დღეს ვიმყოფებით სტრასბურგში, ვიმედოვნებ, ევროპარლამენტის ეს მიმართვა დაეხმარება მიხეილ სააკაშვილს, წავიდეს სამკურნალოდ და პოლიტიკით არ დაკავდეს, როგორც ამით დღეს სპეკულირებენ. მან უნდა იცოცხლოს!-

(დავით არახამია)

————-

ძალიან გონიერი კაცია ბატონი არახამია და უმაგრესი ფაქტია, რომ მსოფლიოს ახლადდაბადებულ მძლავრ დემოკრატიაში წამყვანი პოლიტიკოსის ადგილი უჭირავს.

სწორედ არახამია უნდა გამოიყენოს მთავარ პოლიტიკურ ლობისტად საქართველომ რუსეთისგან ოკუპირებული აფხაზეთის და სამაჩაბლოს დასახსნელად, როცა ამის დრო დადგება.

“პოლიტიკით არ დაკავდეს!” – ეს არის ძალიან მნიშვნელოვანი მესიჯი და ზუსტად ეხმიანება ედუარდ სააკაშვილის მიერ გახმოვანებულ მესიჯსაც.

დავუმატებდი, რომ პრაქტიკული პოლიტიკით აღარ უნდა დაკავდეს არც ისინი, ვინც მაშინდელ მთავრობაში მნიშვნელოვან ოფიციალურ, პოლიტიკურ თანამდებობას იკავებდა. ეს მარტივი აქსიომაა და წამყვანი დემოკრატიული ქვეყნების პოლიტიკური ტრადიციის ანაბანა. პოლიტიკური გუნდის მეთაურის მიმართ წაყენებული პრეტენზიები თანაბრად და უპირობოდ ეხება გუნდის მთავარ მოთამაშეებსაც, როგორც მორალურად, ასევე სამართლებრივად!

-თეორიულ პოლიტიკაში მოღვაწეობა, მემუარების წერა, ახალი თაობების დამოძღვრა – ასეთია დემოკრატიული ქვეყნების გადამდგარ პოლიტიკოსთა ლოგიკური საქმიანობა.”