“სტამბულიდან მოვფრინავდი” – დაუდასტურდა, თუ არა, დანელიას კორონავირუსი?

პარლამენტის წევრს ქართული ოცნებიდან, ოთარ დანელიას კორონავირუსის ტესტზე უარყოფითი პასუხი მოუვიდა. ამის შესახებ მან „პრაიმტაიმთან“ თავად განაცხადა.

„მივლინებაში ვიმყოფებოდით. უკან გზაზე, სტამბულიდა, თვითმფრინავში მყოფ საქართველოს ერთ-ერთ მოქალაქეს კორონავირუსი დაუდასტურდა. დამიკავშირდნენ ტელეფონით, შემატყობინეს მომხდარის შესახებ და მომცეს გაფრთხილება, რომ თვითიზოლაციაში დავრჩენილიყავი.

დაახლოებით ნახევარი საათის წინ ცნობილი გახდა ჩემი ტესტის პასუხი – ვირუსი არ დამიდასტურდა. თუმცა, მე რეკომენდაციის შესაბამისად ვრჩები სახლში შესაბამისი ვადით“ – განმარტავს „პრაიმტაიმთან“ დეპუტატი.

ცნობისთვის, სულ საქართველოში დაფიქსირებულია ვირუსით ინფიცირების 15 დადასტურებული შემთხვევა.

შეგახსენებთ, სიმპტომების გამოვლენამდე, ინკუბაციის პერიოდში, ანალიზი პასუხს არ იძლევა, ამიტომ არის კარანტინი საჭირო 14 დღე.