სტამბოლში LGBTQ საზოგადოების უფლებების დაცვის აქციაზე 200-ზე მეტი ადამიანი დააკავეს. ამის შესახებ Deutche Welle იუწყება.
სტამბოლის ხელისუფლებამ აქციის ჩატარება აკრძალა, მაგრამ მასზე ასობით ადამიანი მაინც მივიდა. ისინი ცენტრალურ მოედანს რამდენიმე საათი წრეებს არტყამდნენ.
პოლიციამ აქციის მონაწილეთა დაკავება ჯერ კიდევ აქციის დაწყებამდე დაიწყო. დაკავებულთა შორის ჟურნალისტები და ბარებში მყოფი ადამიანებიც კი იყვნენ.
ორგანიზაციამ Amnesty International-მა ყველა დაკავებულის დაუყოვნებლივ გათავისუფლება მოითხოვა.
სტამბოლში პირველი LGBTQ პრაიდი 2003 წელს ჩატარდა. მას შემდეგ ის რეგულარულად ტარდება და იქ სულ უფრო მეტი ადამიანი იკრიბება. 2014 წელს პრაიდში 100 ათასამდე ადამიანმა მიიღო მონაწილეობა. მას შემდეგ სტამბოლის ხელისუფლება პრაიდის ჩატარებას ყოველ წელს კრძალავს და ამას უსაფრთხოების ინტერესებით ხსნის.
კომენტარები