,,სრულიად განადგურებული ვარ… ისეთი შეგრძნება მაქვს თითქოს ჩემი ოჯახის ტრაგედია თავიდან განმეორდაო” – მევლუდ მელაძე

ავტომბროლელი მევლუდ მელაძე ლილოში მომხდარ ტრაგედიაზე:

,,სრულიად განადგურებული ვარ ამ საზარელი საგზაო შემთხვევით. ისეთი შეგრძნება მაქვს თითქოს ჩემი ოჯახის ტრაგედია თავიდან განმეორდაო და ვერ აგიღწერთ რა სიღრმის ტკივილია ეს თითოეული ოჯახისთვის ვინც ყველაზე საყვარელ ადამიანს კარგავს. არ ვიცი როგორი ფორმით შეიძლება მივუსამძიმრო ამ მდგომარეობაში მყოფ ოჯახს იმიტომ, რომ ჩვენთვის მაშინაც და დღემდე ნებისმიერი სამძიმარი გულში ახალი დანის ჩარტყმას გავდა და ისევ გავს.
აღარ ვიცი როგორ მოვიქცე და რით შევაჩერო ეს ქუჩის მკვლელობები. ყველგან სადაც კი შანსი მაქვს ძალას და მონდომებას არ ვაკლებ რომ ავუხსნა ადამიანებს თუ რით შეიძლება დასრულდეს მათი ნებისმიერი არასწორი ქმედება საჭესთან. უკვე ისიც კი მგონია რომ განგებამ ბრძოლა პირადად გამომიცხადა, რადგან ეს შემთხვევა ლილო არენასთან 200 მეტრში მოხდა. ორასიოდე მეტრში იმ ადგილისგან რომელიც იმიტომ შევქმენით რომ ქუჩის რბოლები დაცულ სივრცეში გადაგვეტანა.
ყველას ისევ გთხოვთ გავუფრთხილდეთ ყველაზე ძვირფასს, ერთმანეთის სიცოცხლეს რადგან არ ვიცით როდის როგორი ფორმით შემოგვიბრუნდება ჩვენი არასწორი საქციელი და თუ შეცდომა უკვე დავუშვით როგორც არ უნდა ვეცადოთ დროს უკან ვეღარ გადავახვევთ”

,,17 წლის მარიამი ლილოში ვიღაც 19 წლის ბიჭის მანქანით დრაფტაობას შეეწირა“ – შემზარავი ტრაგედია