რუსეთის სამთავრობო ტელეკომპანია „რაშა თუდეის” და სამთავრობო საინფორმაციო სააგენტოების, „როსსია სეგოდნია” და „სპუტნიკის” მთავარი რედაქტორი მარგარიტა სიმონიანი ყაზახეთში განვითარებულ მოვლენებს უკიდურესი ცინიზმით სავსე განცხადებებით ეხმიანება
თავდაპირველად მარგარიტა სიმონიანი მხოლოდ ყაზახეთს ეხება:
„რა თქმა უნდა, უნდა დავეხმაროთ. აუცილებლად უნდა დავეხმაროთ.
მაგრამ გარკვეული პირობებიც უნდა წავუყენოთ.
1. ყირიმი – აღიარონ
2. კირილიცა – დააბრუნონ
3. რუსული – (იყოს) მეორე სახელმწიფო ენა, ისევე როგორც ყირგიზეთში.
4. შეეშვან რუსულ სკოლებს და არ იცრუონ უფროსთან, რომ ეს ისედაც ასეა”
ოდნავ მოგვიანებით კი ყოფილ საბჭოთა კავშირში შემავალი, ამჯერად დამოუკიდებელი თოთხმეტი სახელმწიფოს შესახებ წერს:
„როცა ქვეყანა იძულებულია მოითხოვოს პირდაპირი სამხედრო ჩარევა მათგან, ვისგანაც დამოუკიდებელია – ეს ძალიან სასაცილო დამოუკიდებლობაა.
ეს ასე თუ ისე თოთხმეტივეს ეხება”.
კომენტარები