ბრაზილიის ფარმაცევტულმა მარეგულირებელმა რეკომენდაცია მისცა ხელისუფლებას, აეკრძალა რუსული ვაქცინის Sputnik V- ის იმპორტი და გამოყენება, ვინაიდან ის შეიცავს გამრავლების უნარის მქონე ადენოვირუსს. ბრაზილიელი სპეციალისტების თქმით, ეს არის პლატფორმა SARS-CoV-2 კორონავირუსის გენისთვის, რომელიც S ცილის კოდირებას ახდენს. ინფორმაციას ამის შესახებ Anvisa–ს ტექნიკურ ვერდიქტზე დაყრდნობით სააგენტო Reuters ავრცელებს.
ბრაზილიის სანიტარული ინსპექციის ეროვნული სააგენტოს ექსპერტებმა აღნიშნეს, რომ ვაქცინის შემოსვლაზე ნებართვის გაცემამდე მწარმოებელმა უნდა განმარტოს “კრიტიკული საკითხები” ბიოლოგიური პროდუქტის უსაფრთხოებისა და ეფექტურობის შესახებ და დააზუსტეს, რომ არსებობს “ძალიან მაღალი თანდაყოლილი რისკები”.
როგორც სააგენტო განმარტავს, მთავარი ფაქტორი, რამაც ტექნიკური კომისიის გადაწყვეტილებაზე გავლენა მოახდინა, იყო Sputnik V-ში რეპლიკაციის უნარის მქონე ადენოვირუსის აღმოჩენა. ეს ადამიანისთვის ზოგადად უვნებელი ვირუსი ვაქცინაში უნდა იყოს გენეტიკურად “შესწორებული” და ინიექციის შემდეგ მისი გამრავლება შეუძლებელი უნდა იყოს.
როგორც Anvisa-ში განაცხადეს, ეს ბიოპროდუქტის ან მისი პარტიის ”სერიოზული” დეფექტია. ამიტომაც ვაქცინას “ვეტო” დაადეს.
მარეგულირებლის საბჭოში ყველა მხარს უჭერდა ვაქცინის “ვეტოს” გაკეთებას.
ბრაზილიის მარეგულირებლის განცხადებას რუსეთში გამოეხმაურნენ. მოსკოვში განაცხადეს, რომ მიღებულ გადაწყვეტილებას, სავარაუდოდ, ”არანაირი კავშირი არ აქვს ვაქცინის ან მეცნიერების შესახებ ინფორმაციის ხელმისაწვდომობასთან”, ”პოლიტიკური ხასიათისაა” და ”შეერთებული შტატების მიერ არის ნაკარნახევი”
კომენტარები