დასავლურმა სადაზვერვო სამსახურებმა იციან სად მდებარეობს ბუნკერი , რომელშიც რუსეთის პრეზიდენტი ვლადიმერ პუტინი ზის, – ამის შესახებ უკრაინის შინაგან საქმეთა ყოფილმა მინისტრმა არსენ ავაკოვმა განაცხადა.
მისი თქმით, ერთ-ერთი მიზეზი, რის გამოც პუტინი არ მიიღებს გადაწყვეტილებას ბირთვული დარტყმის შესახებ, არის ის, რომ ასეთი გადაწყვეტილების შემდეგ, საპასუხო დარტყმა განხორციელდება იმ ადგილას, სადაც ის იმალება.
„ნათელი გახდა, რომ დასავლური სამსახურებისთვის საიდუმლო არ არის, სად არის პუტინი, რომელ ბუნკერში. თუ ყველა შეზღუდვა მოიხსნება (და ბირთვული იარაღის გამოყენება არის შეზღუდვების მოხსნა), არ არის გამორიცხული, რომ განხორციელდება მიზანმიმართული დარტყმა იმ ადგილას, სადაც პირადად პუტინი იმყოფება“, – აცხადებს უკრაინის შინაგან საქმეთა ყოფილი მინისტრი.
კომენტარები