“შეაჩერე კორუფციას” თანადამფუძნებელი ქეთევან ენუქიძე:
“სპეცოპერაცია – “მოკალი ჟურნალისტი” წარმატებით დასრულდა…
სხვისი ბავშვები დაასახიჩრეს და თავიანთ შვილებთან დაბრუნდნენ კმაყოფილები…
მოუყვებიან, როგორ სცემეს უკარგეს, უწესიერეს, უკეთილშობილეს ბიჭს “ფორმულადან”, რომ შეხედავ და გული გაგინათდება – ისეთს, რატის და ლექსოს “ტვ 1”-დან – მუდამ ეშმაკუნები რომ უთამაშებს თვალებში, გადაღების დროს არტისტულ სცენებს რომ დგას და ნერვებს მიშლის და მერე ეს შვილები ვაშ’კაცებად გაიზრდებიან.
ეგ არის, რომ შეიძლება ერთ დღეს კითხვა დაუსვან – მამა, რა კავშირი აქვს სამშობლოს უკანალთან, მაგრამ ეგ ამათ არ იციან. ეგ იციან ფალავანდიშვილმა, ღარიბაშვილმა, ვასაძემ და შიომღვდელმა…
მე არ მინდა ამათი დაცული არც ქვეყანა და არც თუნდაც ჩემი სიცოცხლე…
30 წლის განმავლობაში რა ბიჭები ჩავაწვინეთ მიწაში….
ესენი რომ აბიჯებენ იმათ მიწაზე, ესეც არ მინდა – ჩათვალეთ, რომ ბოროტი ვარ…
თუ არ იქნება იდენტიფიცირებული ყველა მოძალადე, პასუხს სათითაოდ არ აგებენ ამ ბავშვების ცემაზე და ჩვენ ამას გავატარებთ, მალე ქუჩაში თავი არ გამოგვეყოფა!
გარკვეულწილად, ეს არის იმ ამნისტიის და თვალდათხრილი ადამიანების მსხვერპლზე დაფურთხების შედეგიც!
ეხლაც შერჩებათ, ისეთ მუხლს უყენებენ…
ეხლა ტელევიზიებში აღფოთებულებს და გულში მჯიღის მკვრელებს რომ ვუყურებ და 20 ივნისი მახსენდება, მეშინია, რომ ისევ იგივე განმეორდება…
ეჭვი მღრღნის, რომ შერჩებათ, რადგან ვერ ვხედავ ენერგიას, რომელიც აიძულებს ამ ნაძირლებს, პასუხი აგონ!
ეს უსუსურობა მკლავს და ბოლოს მიღებს!…”
კომენტარები