სერგი გვარჯალაძემ ღამის ეკონომიკის პროექტის განვითარების ხელმძღვანელის თანამდებობა დატოვა.
ინფორმაციას ამის შესახებ თბილისის მერიაში ადასტურებენ.
“მან ფაქტობრივად შეასრულა ის სამუშაო, რაც დავალებული ჰქონდა, რაც გულისხმობს კვლევების ჩატარებასა და ღამის ეკონომიკის სტრატეგიის შემუშავებას.” – ამბობენ მერიაში.
დღეიდან, მის ფუნქციას კულტურის საქალაქო სამსახური შეითავსებს.
შეგახსენებთ, სერგი გვარჯალაძე თანამდებობაზე 2018 წელს დაინიშნა.
2020 წლის მარტში, ფლანგვის დეტექტორმა ინფორმაცია გამოაქვეყნა, რომლის მიხედვითაც, 2018-2019 წლებში ღამის მერიისთვის თბილისის მერიის ბიუჯეტიდან 215 ათასი ლარი იყო გამოყოფილი, საიდანაც ნახევარზე მეტი – 121 140 ლარი ღამის მერმა, სერგი გვარჯალაძემ მიიღო.
მართალია, ღამის მერის აქტივობები არასოდეს გვინახავს, მაგრამ, ამბობენ, მთვარიანი ღამე როცა არ იყო, მაშინ მუშაობდა და იმიტომ არ ჩანდაო.
იმედია, საჯარო გახდება კვლევების შედეგები და ის ეკონომიკური სტრატეგია, რომელზედაც ღამის მერი 2 წელი მუშაობდა.
კომენტარები