საქართველოს პრეზიდენტის ადმინისტრაცია, 11 დეკემბრის გვიან საღამოს, სოციალურ ქსელში, საგანგებო განცხადებას ავრცელებს:
“საქართველოს პრეზიდენტის ადმინისტრაცია ეხმაურება დღეს პრეზიდენტის მისამართით გაჟღერებულ პირად შეურაცხყოფებს და მისი ოფიციალური ,,ფეისბუქის“ გვერდზე ტროლების რაოდენობის მომრავლებას, რაც მიგვანიშნებს, რომ პრეზიდენტმა სახელმწიფოებრივად მნიშვნელოვან და საკვანძო საკითხებზე საზოგადოებას სწორი ხედვა შესთავაზა”
“ალია” შეგახსენებთ, რომ დღეს, პარლამენტის პირველ სხდომაზე, პრეზიდენტი სიტყვით გამოვიდა, როგორც ჩანს, სწორედ ამის შემდეგ შეესივნენ ტროლები პრეზიდენტის ადმინისტრაციას!
იმედია, ამ შემაშფოთებელი განცხადების შემდეგ, ტროლებისგან დაცვის სახელმწიფო სამსახური მყისიერ მოქმედებაზე გადავა და დაიცავს ქალბატონ პრეზიდენტს, თორემ, პრეზიდენტის ადმინისტრაცია მარტო ვერ უმკლავდება!
ასევე, ნიშანდობლივია ისიც, რომ პრეზიდენტის ადმინისტრაციის მიერ გავრცელებულ განცხადებას, ალაგ-ალაგ აკლია სასვენი ნიშნები, რაც მიგვანიშნებს, რომ ტროლებმა იმაზე ღრმად შეაღწიეს, ვიდრე გვეგონა!
კომენტარები