„ტაბულას“ დირექტორი თამარ ჩერგოლეიშვილი სოციალურ ქსელში, წერს:
“ეს სტატია კი 2011 წელს დავწერე, მაგრამ აქ მიწერია რატომ იყო ვარდების რევოლუციის იდეის კიდევ ერთი განხორციელება, 2012 წელს არჩვნებით ხელისუფლების ცვლილება.
გუშინ, ლოჟაში წამოსკუპებულ, მყრალ ინტელიგენციაზე გამახსენდა.
სამწუხაროდ, ქოცებმა ისევ გააჩინეს ფართო სოციალური ფენა, რომელიც თამაშგარეთაა დარჩენილი – არც ხმის უფლება აქვს – პარავენ, არც სტადიონზე ყოფნა შეუძლიათ, ბიძინასთან დაახლოებულებისგან განსხვავებით.
ამიტომ საკუთარ თავს დააბრალონ, რაც ამას მოყვება.
—————
“პასუხი კითხვაზე, რამდენად რევოლუციურია ვარდების რევოლუცია, ჯერჯერობით არ გვაქვს. მიუხედავად იმისა, რომ ბევრი მტკივნეული და საჭირო რეფორმა განხორციელდა, საზოგადოების სოციალური ტრანსფორმაცია ჯერ არ დასრულებულა. რამდენად მოახერხებს სააკაშვილი მისთვის სამაგალითო სახელმწიფო მოღვაწეებს არა რიტორიკულად, არამედ შედეგების მიხედვით შეედაროს, მომავალი გვიჩვენებს.
მართალია, ვარდების რევოლუციის მიზნები ჯერ კიდევ მიუღწეველია, მაგრამ ის შეგვიძლია თავისუფლად ვთქვათ, ამ მიზნებისკენ სვლა შეუქცევადი გახდა – ჯინი ბოთლიდან გამოშვებულია და უკან ვერავინ შეაბრუნებს. ახალი სოციალური ჯგუფების პოლიტიკურ პროცესებში მონაწილეობა გაფართოებულია.
დღეს ყველა სოციალური ჯგუფი, მიუხედავად იმისა, მოსწონს თუ არა ეს ხელისუფლება, რევოლუციის შედეგად ჩამოყალიბებული სისტემის შიგნით ცდილობს საკუთარი ინტერესების განხორციელებას. სწორედ ამით აიხსნება ის, რომ ოპოზიციის ანტისისტემურ ნაწილს სოციალური დასაყრდენი არ აქვს.
იმისთვის, რომ ახალი რევოლუცია მოხდეს, მხოლოდ ხელისუფლების დამხობის მოსურნე პოლიტიკოსთა ძალისხმევა საკმარისი არ არის. უნდა არსებობდეს თამაშგარე მდგომარეობაში მყოფი სოციალური ფენა. დღეს, ამ მდგომარეობაში თავს მხოლოდ ყოფილი ელიტა გრძნობს – ისინი წუხან, რომ “ღირსება” წაართვეს. ღირსებაში კი იმ პრივილეგიებს გულისხმობენ, რაც შევარდნაძის “სახლში წასვლასთან” ერთად დაკარგეს.
ეს ადამიანები საკუთარი მონაწილეობისთვის კი არ იბრძვიან, ექსკლუზიურ სტატუსს მისტირიან – როგორც თავად უწოდებენ “სოფლელების” და “ქაჯების” პროცესებში ჩართულობა აღიზიანებთ და მათთვის “საკუთარი ადგილის” მიჩენა სურთ”.
კომენტარები