SOCAR Tower-ში გაიმართა ღონისძიება SOCAR-ის “მწვანე ობლიგაციების” ბაქოს საფონდო ბირჟაზე (BSE) განთავსების აღსანიშნავად.
ღონისძიებას ესწრებოდნენ აზერბაიჯანის რესპუბლიკის ეკონომიკის მინისტრი, SOCAR–ის ზედამხედველთა საბჭოს თავმჯდომარე მიკაილ ჯაბბაროვი, SOCAR-ის პრეზიდენტი როვშან ნაჯაფი, ასევე BSE-ის, NDC-ის, ბანკების, სადაზღვევო და საინვესტიციო კომპანიების ხელმძღვანელები და აკადემიური წრეების წარმომადგენლები.
მომხსენებლებმა ისაუბრეს აზერბაიჯანის სტრატეგიულ მიზნებზე და იმ ნაბიჯებზე, რომლებსაც ქვეყანა ამ მიმართულებით დგამს, გლობალურად მზარდი განახლებადი ენერგიის მოთხოვნისა და გარემოსდაცვითი საკითხების მიმართ მზარდი მნიშვნელობის ფონზე. აღინიშნა SOCAR–ის მიმდინარე და დაგეგმილი პროექტები განახლებადი ენერგიის მიმართულებით და განსაკუთრებით გაესვა ხაზი “მწვანე ობლიგაციების” მნიშვნელობას შიდა კაპიტალის ბაზარზე ინოვაციებისა და ეფექტიანობის წახალისებაში, კომპანიის მდგრადი განვითარების მიზნებთან თანხვედრაში.
ასევე, აღინიშნა SOCAR–ის ობლიგაციების მიერ შიდა კაპიტალის ბაზარზე 2016 წლიდან შექმნილი პოზიტიური დინამიკა, ინვესტორების ხანგრძლივი ნდობა და მზარდი ინტერესი, ისევე როგორც ბოლო წლებში ამ ობლიგაციების მიერ შექმნილი ეკონომიკური ღირებულება. SOCAR-ის “მწვანე ობლიგაციების” ბაზარზე გაშვება არის სტრატეგიული ნაბიჯი უფრო ეკოლოგიურად მდგრადი საინვესტიციო ინსტრუმენტების გაფართოების მიმართულებით და ახალი ეტაპის დასაწყისი.
ღონისძიება დასრულდა “სიმბოლური ზარის” დარეკვით, რაც SOCAR–ის “მწვანე ობლიგაციების” მეორადი ბაზრის ოპერაციების დაწყებას აღნიშნავდა. დამსწრეებმა ხელი მოაწერეს სიმბოლურ ობლიგაციას და გადაიღეს სამახსოვრო ფოტო.
SOCAR–ის “მწვანე ობლიგაციები” არა მხოლოდ აძლიერებს კომპანიის სტრატეგიულ პოზიციას კაპიტალის ბაზარზე, არამედ გამოხატავს SOCAR-ის ერთგულებას გარემოსდაცვითი ღირებულებებისა და მდგრადი განვითარების პრიორიტეტების მიმართ.
(R)
კომენტარები